ජර්මනිය පදනම් කරගත් අයිසාර් ඒරොස්පේස් (Isar Aerospace) සමාගම තමන්ගේ අභ්යවකාශ මෙහෙයුම් තවදුරටත් පුළුල් කරමින් කැනඩාවේ නොවා ස්කොෂියා අභ්යවකාශ මධ්යස්ථානය භාවිත කිරීම සඳහා ඩොලර් මිලියන 150ක වසර 10ක ගිවිසුමකට අත්සන් තබා තිබෙනවා. මේ ගිවිසුම හරහා ඔවුන්ගේ ප්රබල ‘ස්පෙක්ට්රම්’ (Spectrum) රොකට්ටුව කැනඩාවේ සිට අභ්යවකාශගත කිරීමට අවශ්ය යටිතල පහසුකම් සකස් කරගන්න ඔවුන්ට අවස්ථාව ලැබෙනවා. මේ වසරේ අගභාගයේදී ඉදිකිරීම් ආරම්භ කිරීමට නියමිත අතර, 2028 වසර වන විට පළමු කක්ෂීය දියත් කිරීම සිදු කිරීම ඔවුන්ගේ ඉලක්කයයි. 2029 වන විට වසරකට දියත් කිරීම් 40ක් දක්වා මෙහෙයුම් වැඩි කිරීමටත් ඔවුන් බලාපොරොත්තු වෙනවා.
අයිසාර් සමාගම මීට පෙර නෝර්වේ රාජ්යයේ සිට සිය රොකට්ටුව දියත් කිරීමට උත්සාහ කළත්, එය අසාර්ථක වුණා. කෙසේ වෙතත්, අභ්යවකාශ දත්ත ලබාගැනීම රටවල ආරක්ෂාවට සහ බුද්ධි අංශ කටයුතුවලට අත්යවශ්ය බව පවසන සමාගමේ ඉහළ නිලධාරීන්, කැනඩාව සමඟ එක්ව මෙම අභියෝගය ජය ගැනීමට හැකි වනු ඇතැයි විශ්වාසය පළ කරනවා. මේ ව්යාපෘතිය හරහා ස්වාධීන අභ්යවකාශ දියත් කිරීමේ හැකියාව ලබා ගැනීමට බොහෝ රටවලට අවස්ථාව උදාවෙනවා. ලෝකයේ අභ්යවකාශ තාක්ෂණය දිනෙන් දින දියුණු වන පසුබිමක, මෙවැනි පියවරක් තැබීම අනාගත අභ්යවකාශ ගවේෂණවලට විශාල රුකුලක් වේවි.

Discussion & Feedback