ලොව පුරා රසිකයින්ගේ ආදරය දිනාගත් ‘ලා ලා ලෑන්ඩ්’ (La La Land) චිත්‍රපටය තිරගත වී මේ වන විට වසර දහයක් ගතවෙලා. මේ විශේෂ සංවත්සරය සමරන්න නිෂ්පාදකවරුන් විසින් චිත්‍රපටයේ අලුත් පෝස්ටරයක් එළිදක්වා තිබෙනවා. මේ පෝස්ටරය ගැන විශේෂම කාරණාව තමයි, වසර ගණනාවක් තිස්සේ ප්‍රධාන නළු රයන් ගොස්ලින්ව පීඩාවට පත් කරපු ඔහුගේ අතේ පිහිටීම මේ පෝස්ටරයේ නිවැරදි කර තිබීම. රයන් කලින් පවසා තිබුණේ පෝස්ටරයේ තමන්ගේ අත තිබුණු ආකාරය තමන්ට මහත් අපහසුවක් වුණු බවයි. ඔහු එය විහිළුවට ‘ලා ලා හෑන්ඩ්’ (La La Hand) ලෙසත් හඳුන්වා තිබුණා.
ඇත්තටම මේ පෝස්ටරයේ තිබුණු රයන්ගේ අතේ ඉරියව්ව ගැන ඔහු කලක සිටම සෑහීමකට පත් වුණේ නැහැ. ඔහු පවසා තිබුණේ එදා රූගත කිරීමේදී තමන් හිතාමතාම අත වෙනස් විදියකට තබා ගත් බවත්, නමුත් පසුව එය චිත්‍රපටයේ පෝස්ටරය බවට පත් වූ විට තමන්ට එය විශාල පසුතැවීමක් වුණු බවත්ය. කෙසේ වෙතත්, දැන් එම දෝෂය මගහැර පෝස්ටරය නැවත නිර්මාණය කර තිබීම ගැන රයන් ඇතුළු රසිකයින් බොහෝ දෙනෙක් සතුටින් ඉන්නවා.
මේ චිත්‍රපටය නැවතත් අගෝස්තු 16 වැනිදා සිට ඇමරිකාවේ සිනමාහල් කිහිපයක ප්‍රදර්ශනය කිරීමට නියමිතයි. ඔස්කාර් සම්මාන හයක් දිනාගත් මේ සුපිරි නිර්මාණය ඩේමියන් චසෙල් විසින් අධ්‍යක්ෂණය කළ අතර, රයන් ගොස්ලින් සහ එමා ස්ටෝන් එහි ප්‍රධාන චරිත රඟපානවා. ජෑස් සංගීතඥයෙක් සහ අභිලාෂකාමී නිළියක් අතර ඇතිවන ආදර කතාවක් පාදක කරගත් මේ චිත්‍රපටය අදටත් සිනමා ලෝලීන් අතර ඉතා ජනප්‍රියයි.
Discussion & Feedback