හොලිවුඩයේ ජනප්‍රිය නළු කර්ට් රසල් රංගනයෙන් දායක වන අලුත්ම බටහිර අපරාධ ත්‍රාසජනක චිත්‍රපටය වන ‘ද රයිවල්ස් ඔෆ් අම්සියා කිං’ (The Rivals of Amziah King) මේ දිනවල සිනමා ලෝලීන් අතර ලොකු කතාබහක් ඇති කරලා තියෙනවා. මේ චිත්‍රපටය දැනටමත් රොටන් ටොමැටෝස් (Rotten Tomatoes) වෙබ් අඩවියේ ප්‍රේක්ෂකයන්ගෙන් 75%ක ඉහළ අගයක් ලබාගෙන තියෙනවා. විචාරකයන්ගෙන් නම් මේ චිත්‍රපටයට ලැබිලා තියෙන්නේ 89%ක ඉතාම හොඳ ප්‍රතිචාරයක්. මේ චිත්‍රපටයේ කර්ට් රසල් දූෂිත දුෂ්ට චරිතයකට පණ පොවන අතර, මැතිව් මැකොනගි සහ ඇන්ජලිනා ලුකින්ග්ලාස් වැනි ප්‍රවීණ නළු නිළියන්ගේ රංගනයත් මෙහි විශේෂත්වයක් විදිහට දකින්න පුළුවන්.
චිත්‍රපටයේ කතාව ගලාගෙන යන්නේ මී මැසි පාලනය කරන අම්සියා කිං නම් චරිතයක් වටායි. පසුව සිදුවන අනපේක්ෂිත ඛේදවාචකයක් නිසා කතාව පළිගැනීමේ තේමාවක් කරා හැරෙනවා. සමහර ප්‍රේක්ෂකයන් මේ කතාවේ වෙනස්වීම් ගැන සතුටු වුණත්, තවත් පිරිසක් චිත්‍රපටයේ වේගය සහ ස්වරූපය ගැන විවිධ අදහස් පළ කරනවා. කොහොම වුණත්, වසර හතකට පසුව කර්ට් රසල් රංගනයෙන් දායක වන මේ R-rated චිත්‍රපටය සාර්ථක එකක් බවට පත්වෙලා තියෙනවා. දැනට සීමිත සිනමාහල් කිහිපයක පමණක් තිරගත වන මේ චිත්‍රපටය අගෝස්තු 21 වැනිදා සිට ලොව පුරා සිනමාහල් රැසකදී නරඹන්න පුළුවන්.
Discussion & Feedback