කොරියානු සිනමාවේ දැවැන්තයෙක් වන අධ්‍යක්ෂ ලී චැන්ග්-ඩොන්ග්ගේ නවතම සිනමා නිර්මාණය වන ‘පොසිබල් ලව්’ (Possible Love) චිත්‍රපටය මෙවර ඔස්කාර් සම්මාන උළෙලේ හොඳම ජාත්‍යන්තර වෘත්තාන්ත චිත්‍රපටය සඳහා දකුණු කොරියාවේ නිල නියෝජනය ලෙස තෝරාගෙන තියෙනවා. වසර අටකට පසුව ලී චැන්ග්-ඩොන්ග් අධ්‍යක්ෂණය කළ මෙම සිනමා පටය, විවාහක යුවළවල් දෙකකගේ ජීවිතවල සැඟවුණු ආශාවන් සහ සංකීර්ණ සම්බන්ධතා ඉතා සියුම් ලෙස ගොඩනඟා තිබීම විශේෂත්වයක්. කොරියානු චිත්‍රපට කවුන්සිලය පවසන විදිහට, මෙම චිත්‍රපටයේ ඇති සිනමාත්මක පරිපූර්ණත්වය සහ අධ්‍යක්ෂවරයාගේ පණිවිඩය ඉතා පැහැදිලිව ප්‍රේක්ෂකයාට දැනෙන ආකාරයට නිර්මාණය කර තිබෙනවා.
මෙම චිත්‍රපටය සඳහා ජියොන් දෝ-යොන්, සුල් කියුන්ග්-ගු, සෝ ඉන්-සුන්ග් සහ චෝ යෝ-ජියොන්ග් වැනි දක්ෂ නළු නිළියන් රැසක් රංගනයෙන් දායක වෙනවා. දැනටමත් වැනීසිය සහ ටොරොන්ටෝ සිනමා උළෙලවල් නියෝජනය කරන මෙම චිත්‍රපටය, නෙට්ෆ්ලික්ස් හරහා ලොව පුරා ප්‍රේක්ෂකයන්ට නැරඹීමේ අවස්ථාව හිමිවෙනවා. මීට පෙර ලී චැන්ග්-ඩොන්ග්ගේ ‘බර්නින්’ (Burning) චිත්‍රපටය ඔස්කාර් කෙටි ලැයිස්තුවට ඇතුළත් වූ පළමු කොරියානු චිත්‍රපටය බවට පත් වුණා. ඒ වගේම ඔහුගේ ‘සීක්‍රට් සන්ෂයින්’ සහ ‘ඔයසිස්’ වැනි නිර්මාණත් මීට පෙර ඔස්කාර් සඳහා යොමු කර තිබෙනවා. මේ නිසා මෙවර ‘පොසිබල් ලව්’ චිත්‍රපටය කෙරෙහි ලෝක සිනමා ලෝලීන්ගේ දැඩි අවධානයක් යොමු වෙලා තියෙනවා.
Discussion & Feedback