ප්‍රසිද්ධ රැප් ගායකයෙක් වගේම ග්‍රැමී සම්මානලාභියෙක් වන කිඩ් කඩි මේ දවස්වල තමන්ගේ සිනමා ගමන ගැන හරිම උද්යෝගයෙන් ඉන්නේ. තමන්ගේ පළවෙනි අධ්‍යක්ෂණය වන ‘Doe’ චිත්‍රපටය ලබන වසරේදී ප්‍රේක්ෂකයන්ට දැකගන්න ලැබෙන අතර, ඒ අතරතුරම තවත් අලුත් චිත්‍රපටයක වැඩ පටන් ගන්න ඔහු සූදානම් වෙනවා. ‘Doe’ කියන්නේ ලොස් ඇන්ජලීස් වීදිවල ජීවත් වෙන මත්ද්‍රව්‍යවලට ඇබ්බැහි වුණු කෙනෙක්ගේ පැය 24ක ජීවිතය ගැන කියවෙන හරිම තීව්‍ර නාට්‍යමය චිත්‍රපටයක්. මේ චිත්‍රපටයේ ඔහු රංගනයෙන් දායක වෙන ගමන්ම ඒ සඳහා අවශ්‍ය මුල් සංගීත නිර්මාණත් සිදු කරලා තියෙනවා.
තමන්ගේ දෙවෙනි චිත්‍රපටය ගැනත් කිඩ් කඩි සමාජ මාධ්‍ය හරහා රසිකයන්ට ඉඟියක් ලබා දීලා තියෙනවා. ඒක භීෂණ සහ ත්‍රාසජනක (horror/thriller) ගණයේ චිත්‍රපටයක් විදිහට තමයි නිර්මාණය වෙන්නේ. ඒ වගේම මේ චිත්‍රපටයේ හාස්‍යයත් මුසු කරලා තියෙන නිසා ප්‍රේක්ෂකයන්ට අලුත්ම අත්දැකීමක් ලැබෙයි කියලා ඔහු විශ්වාස කරනවා. ලබන වසරේ අග භාගයේදී මේ දෙවෙනි චිත්‍රපටය තිරගත කරන්න තමයි සැලසුම් කරලා තියෙන්නේ. තමන් නිල වශයෙන්ම සිනමාකරුවෙක් බවට පත් වීම ගැන ඔහු ඉන්නේ හරිම සතුටින්. ඉතින්, ලබන වසරේදී කිඩ් කඩිගේ මේ වෙනස්ම නිර්මාණ දෙකම රසවිඳින්න අපිට පුළුවන් වේවි.
Discussion & Feedback