ලෝකයම ආදරය කරන සුප්රසිද්ධ K-pop සංගීත කණ්ඩායමක් වන BTS, 2027 වසරේ පැවැත්වෙන ග්රැමී සම්මාන උළෙල සඳහා තම නිර්මාණ ඉදිරිපත් නොකරන බව නිල වශයෙන් ප්රකාශ කරලා තියෙනවා. මේ තීරණයට ප්රධානම හේතුව වෙලා තියෙන්නේ ග්රැමී සම්මාන උළෙලේ අලුතින් හඳුන්වා දීලා තියෙන ‘හොඳම ආසියානු පොප් සංගීත ප්රසංගය’ කියන කාණ්ඩයයි. සංගීතය භාෂාවෙන් හෝ කලාපයෙන් වෙන් කරලා වර්ගීකරණය කරනවාට තමන් කැමති නැති බවත්, තමන්ගේ සංගීතය ඒ විදිහටම රසිකයන් අතරට යනවා දකින්න කැමති බවත් ඔවුන් පවසනවා. බොහෝ විචාරකයන් පවසන්නේ මේ නව කාණ්ඩය මගින් ආසියානු සංගීතය අනෙක් ප්රධාන සම්මාන කාණ්ඩවලින් කොන් කර දැමීමේ අවදානමක් පවතින බවයි.
වසර හතරක විරාමයකින් පස්සේ දකුණු කොරියාවේ අනිවාර්ය හමුදා සේවය අවසන් කරලා නැවත එකතු වුණු BTS කණ්ඩායම මේ දවස්වල තමන්ගේ අලුත්ම ඇල්බමය වන ‘ARIRANG’ ප්රවර්ධනය කිරීමේ කටයුතුවල නිරත වෙමින් ඉන්නවා. ඔවුන් ලෝක සංචාරයක නිරත වෙමින් ඉන්න අතරතුරේදී තමයි මේ වැදගත් තීරණය ගත්තේ. මීට කලින් ග්රැමී සම්මාන සඳහා පස් වතාවක් නිර්දේශ වුණු BTS, කිසිදු අවස්ථාවක සම්මානයක් දිනාගෙන නැති වුණත්, ඔවුන්ගේ රසිකයන් වන ‘Army’ පිරිස තවමත් ඔවුන් වෙනුවෙන් නොසැලී පෙනී සිටිනවා. කෙසේ වෙතත්, සංගීතය භාෂා සීමාවලින් එහාට ගෙන යා යුතුයි කියන ඔවුන්ගේ මේ පණිවිඩය මේ වන විට ලොව පුරා සංගීත ලෝලීන් අතර ලොකු කතාබහක් ඇති කරලා තියෙනවා.

Discussion & Feedback