ලොව පුරා රසිකයින් නොඉවසිල්ලෙන් බලා සිටි ‘ජුමාන්ජි: ඕපන් වර්ල්ඩ්’ (Jumanji: Open World) චිත්‍රපටයේ පළමු ට්‍රේලරය මේ වන විට අන්තර්ජාලයට නිකුත් වී තිබෙනවා. 2026 දෙසැම්බර් 11 වැනිදා තිරගත වීමට නියමිත මෙම චිත්‍රපටය, ජුමාන්ජි සිනමා මාලාවේ තුන්වැන්නයි. මෙවර කතාවේ විශේෂත්වය වන්නේ වීඩියෝ ක්‍රීඩාවේ සිටින චරිත සැබෑ ලෝකයට පැමිණීමයි. ඩ්වේන් ජොන්සන්, කෙවින් හාර්ට්, ජැක් බ්ලැක් සහ කැරන් ගිලන් නැවතත් ඔවුන්ගේ සුපුරුදු චරිතවලින් දකින්න ලැබෙන අතර, මෙවර ඔවුන් ‘ඩෙමෝ මෝඩ්’ එකක සිරවී සිටින නිසා සිදුවන විහිලු සහගත සිදුවීම් ට්‍රේලරය පුරාම දැකගන්න පුළුවන්.
මෙම චිත්‍රපටයේදී වීඩියෝ ක්‍රීඩාවේ සිටින චරිත සැබෑ ලෝකයට පැමිණීම නිසා නගරය පුරාම විශාල කලබලයක් ඇති වෙනවා. වීදිවල දුවන ඔටුවෝ, රයිනෝසිරස්ලා සහ විවිධ සතුන් නිසා මුළු නගරයම අවුල් ජාලාවක් බවට පත්වෙලා. ජේක් කස්ඩාන් විසින් අධ්‍යක්ෂණය කරන මෙම චිත්‍රපටය, පෙර පැවති ජුමාන්ජි චිත්‍රපටවලට වඩා වෙනස්ම අත්දැකීමක් ප්‍රේක්ෂකයන්ට ලබා දෙනු ඇති. විශේෂයෙන්ම ක්‍රීඩාවේ සිටින චරිත සැබෑ ලෝකයේදී හැසිරෙන ආකාරය ඉතාම විනෝදජනකයි. 1995 මුල්ම ජුමාන්ජි චිත්‍රපටයෙන් ආරම්භ වූ මෙම ගමන, අද වන විට නවීන තාක්ෂණයත් සමඟින් තවත් පියවරක් ඉදිරියට තබා තිබෙනවා.
මෙම චිත්‍රපටය ගැන රසිකයින් අතර විවිධ මත පළ වුණත්, බොහෝ දෙනෙක් මේ අලුත් වෙනස දෙස බලා සිටින්නේ ලොකු කුතුහලයකින්. විශේෂයෙන්ම ඩ්වේන් ජොන්සන් සහ කෙවින් හාර්ට්ගේ සුසංයෝගය මෙවරත් ප්‍රේක්ෂකයින්ව සිනහ ගන්වනු නොඅනුමානයි. දෙසැම්බර් මාසයේදී තිරගත වීමට නියමිත මෙම චිත්‍රපටය, වසරේ අවසාන භාගයේදී සිනමා ශාලාවලට විශාල පිරිසක් ආකර්ෂණය කරගන්නා බව නම් ස්ථිරයි. ඔබත් ජුමාන්ජි රසිකයෙක් නම්, මෙම නවතම චිත්‍රපටය අනිවාර්යයෙන්ම නැරඹිය යුතු එකක් වේවි.
Discussion & Feedback