ලොව පුරා රසිකයන් නොඉවසිල්ලෙන් බලා සිටින ‘පයිරේට්ස් ඔෆ් ද කැරිබියන්’ චිත්‍රපට මාලාවේ හයවන කොටස ගැන මේ දිනවල ලොකු කතාබහක් ඇතිවෙලා තියෙනවා. D23 උත්සවයේදී ප්‍රවීණ නිෂ්පාදක ජෙරී බෲක්හයිමර් සඳහන් කළේ ජොනී ඩෙප්ව නැවතත් කැප්ටන් ජැක් ස්පැරෝ ලෙස දකින්න ලැබෙනු ඇතැයි තමන් බලාපොරොත්තු වන බවයි. දැනටමත් මේ සඳහා තිර රචනයක් ලියැවෙමින් පවතින අතර, ජොනී ඩෙප් සමඟ සාකච්ඡා සිදුවෙමින් පවතින බවත් ඔහු වැඩිදුරටත් පවසා තිබෙනවා. කෙසේ වෙතත්, ආරංචි මාර්ග පවසන පරිදි මෙම නව චිත්‍රපටය ජැක් ස්පැරෝගේ කතාවට වඩා මාගෝ රොබීගේ චරිතය වටා ගෙතුණු අලුත් ආරක නිර්මාණයක් වනු ඇති බවයි දැනගන්න ලැබෙන්නේ.
මේ අතර, හොලිවුඩයේ තවත් ප්‍රධාන මාතෘකාවක් වෙලා තියෙන්නේ පැරාමවුන්ට් ස්ටුඩියෝව කැලිෆෝනියාවෙන් ඉවත් කිරීමේ සැලසුමයි. මේ ගැන අදහස් දක්වමින් බෲක්හයිමර් කිව්වේ පැරාමවුන්ට් ආයතනය හොලිවුඩයේම රැඳී සිටිනවා දකින්න තමන් කැමති බවයි. දේශපාලන ගැටලු නිසා චිත්‍රපට කර්මාන්තයට බාධා ඇතිවීම කනගාටුදායක බවත්, සියල්ල විසඳී කර්මාන්තය යහපත් අතට හැරේවි කියා තමන් විශ්වාස කරන බවත් ඔහු පවසා තිබෙනවා. වෝනර් බ්‍රදර්ස් සහ පැරාමවුන්ට් ඒකාබද්ධ වීම ගැනත් බෲක්හයිමර් ඉතා ධනාත්මක අදහසක් දරන අතර, එයින් වසරකට චිත්‍රපට 30ක් පමණ නිෂ්පාදනය කිරීමට හැකි වුවහොත් එය සිනමාවට විශාල ශක්තියක් වනු ඇති බවයි ඔහු වැඩිදුරටත් සඳහන් කළේ.
Discussion & Feedback