ලොව පුරා අතිශය ජනප්‍රිය වෛද්‍ය කතා මාලාවක් වන ‘ග්‍රේස් ඇනටමි’ (Grey’s Anatomy) හි 23 වැනි කතා මාලාව සඳහා දක්ෂ නළු ජේම්ස් වෝක් එක්වීමට නියමිතයි. ටෙඩි සහ ඕවන් වැනි ප්‍රධාන චරිත කතා මාලාවෙන් ඉවත් වීමෙන් පසු ඇති වූ හිඩැස පිරවීමට ඔහු මෙලෙස පැමිණෙන්නේ ‘සෙත් නෝර්ටන්’ නම් අහංකාර වෛද්‍යවරයෙකුගේ චරිතය රඟපාමින්. ඔහු ව්‍යාපාරිකයෙකු ලෙසද කටයුතු කරන අතර, සුඛෝපභෝගී වෛද්‍ය මධ්‍යස්ථානයක හිමිකරුවෙක් විදිහට තමයි ඔහුව අපිට දකින්න ලැබෙන්නේ. ඔක්තෝබර් 15 වැනිදා විකාශය ආරම්භ වන මෙම කතා මාලාවේ අවම වශයෙන් කොටස් හතරකට ඔහු රංගනයෙන් දායක වෙනවා.
මේ අතරතුර, ජේම්ස් වෝක් AMC නාලිකාවේ අලුත්ම NASCAR කතා මාලාවක් වන ‘තන්ඩර් රෝඩ්’ (Thunder Road) සඳහාත් සම්බන්ධ වී සිටිනවා. මෙහිදී ඔහු ‘ජෝර්ඩන් බ්‍රෑන්ඩ්’ නම් චරිතය නිරූපණය කරන අතර, එය ප්‍රසිද්ධ රේසිං පවුලක කතාවක් වටා ගෙතුණු නිර්මාණයක්. ඩෙනිස් ක්වේඩ් වැනි ප්‍රවීණ නළුවන් රැසක් රංගනයෙන් දායක වන මෙම කතා මාලාවේ පළමු කතා වාරයේ කොටස් අටෙන් හයකම ජේම්ස් වෝක්ව දැකගන්න පුළුවන්. දැනටමත් ‘ද බෝයිස්’ වැනි ජනප්‍රිය නිර්මාණවලින් දස්කම් පෑ ඔහු, ඉදිරියේදී තිරගත වන මෙම නවතම කතා මාලා දෙක හරහා තවත් වෙනස්ම ආකාරයේ චරිත නිරූපණයකින් රසිකයන් මුණගැසීමට සූදානම් වෙනවා.
Discussion & Feedback