ලෝක ප්‍රසිද්ධ ජේම්ස් බොන්ඩ් චිත්‍රපට මාලාවේ මීළඟ නළුවා කවුද කියන එක ගැන මේ දවස්වල ලොකු කතාබහක් ඇතිවෙලා තියෙනවා. ප්‍රවීණ නළු ගැරී ඕල්ඩ්මන් කියපු විදිහට නම්, බොන්ඩ් චරිතයට අලුත් නළුවා දැනටමත් තෝරාගෙන ඉවරයිලු. ඔහු මේ සඳහා තමන්ගේ සහයෝගය ලබා දෙන්නේ ජැක් ලෝඩන්ටයි. මේ කටකතා ගැන අලුත්ම චිත්‍රපටයේ තිර රචක ස්ටීවන් නයිට්ගෙන් මාධ්‍යවේදීන් ප්‍රශ්න කළත්, ඔහු ඒ ගැන කිසිම දෙයක් හෙළි කරන්න කැමති වුණේ නැහැ. ‘මට මේ ගැන කතා කරන්න බැහැ’ කියලා ඔහු හිනාවෙලා මගහැරියත්, බොන්ඩ් වගේ චරිතයක් ලියද්දී නළුවා කවුද කියලා දැනගෙන ඉන්න එක ලේසි බව නම් ඔහු පිළිගත්තා.
ස්ටීවන් නයිට් කියන විදිහට ජේම්ස් බොන්ඩ් කියන්නේ තමන්ගේම අනන්‍යතාවයක් තියෙන සුවිශේෂී ලෝකයක්. මාර්වල් හෝ ඩීසී චිත්‍රපට වගේ නෙවෙයි, බොන්ඩ් කියන්නේ බ්‍රිතාන්‍ය සම්ප්‍රදාය එක්ක බැඳුණු චරිතයක් නිසා ඒ ගැන ලියද්දී ලොකු වගකීමක් තියෙනවා කියලා ඔහු කියනවා. කොහොම වුණත්, මේ වෙනකොටත් බොන්ඩ් චරිතය සඳහා නළුවන් තෝරා ගැනීමේ පරීක්ෂණ අවසන් වෙලා තියෙන බවට ආරංචි පැතිරෙනවා. නිෂ්පාදකවරුන් මේ ගැන නිල වශයෙන් ප්‍රකාශයක් කරන්නේ නැති වුණත්, රසිකයන් නම් ඉන්නේ බොන්ඩ් ලෙසින් දකින්න ලැබෙන්නේ කාවද කියලා දැනගන්න ලොකු කුතුහලයකින්. ඉදිරි කාලයේදී මේ රහස එළියට එනකම් අපිට ඉවසීමෙන් බලාගෙන ඉන්න වෙනවා.
Discussion & Feedback