ඩැනියෙල් ක්රේග් ජේම්ස් බොන්ඩ් චරිතයෙන් සමුගෙන වසර පහක් ගතවෙලා තියෙනවා. දැන් හැමෝම බලාගෙන ඉන්නේ ඊළඟ 007 නියෝජනය කරන්නේ කවුද කියන එක ගැනයි. ලැබෙන අලුත්ම ආරංචි වලට අනුව, සැප්තැම්බර් මාසයේදී බොන්ඩ් චරිතය සඳහා තිර පරීක්ෂණ ආරම්භ වෙන්න නියමිතයි. මේ සඳහා නම් හයක් ඉදිරිපත් වෙලා තියෙනවා. ඒ අතර ජැක් ලෝඩන්, පෝල් මෙස්කල්, ජේකබ් එලෝර්ඩි වගේ ප්රසිද්ධ නළුවන් ඉන්නවා. ඒත් පුදුමයට කරුණක් විදිහට, මේ අතරින් වැඩිපුරම කතාබහට ලක්වෙලා ඉන්නේ එතරම් ප්රසිද්ධ නැති ජැක් බාර්ටන් කියන නළුවායි.
ජැක් බාර්ටන් ‘පුවර් තින්ග්ස්’ සහ ‘එස්.ඒ.එස් රෝග් හීරෝස්’ වගේ නිර්මාණ හරහා දකින්න ලැබුණත්, ඔහු තවමත් ලෝක මට්ටමේ ලොකු තරුවක් නෙවෙයි. හැබැයි බොන්ඩ් චරිතයට අලුත් කෙනෙක් තෝරා ගැනීම අමුතු දෙයක් නෙවෙයි. මොකද ඩැනියෙල් ක්රේග් පවා බොන්ඩ් වෙන්න කලින් ලොකු ප්රසිද්ධියක් තිබුණේ නැහැ. ඩෙනිස් විලේනියුව් අධ්යක්ෂණය කරන මේ අලුත්ම බොන්ඩ් චිත්රපටය ගැන රසිකයන් ලොකු බලාපොරොත්තුවකින් ඉන්නේ. කොහොම වුණත්, මේ වසර අවසන් වෙන්න කලින් අලුත් බොන්ඩ් කවුද කියලා අපිට දැනගන්න පුළුවන් වෙයි.
Discussion & Feedback