ලොව පුරා රසිකයින් අතර ජනප්‍රිය වුණු ‘ස්ලෝ හොර්සස්’ (Slow Horses) කතාමාලාවේ හයවන වාරය සඳහා වන නවතම ට්‍රේලරය මේ වන විට නිකුත් වෙලා තියෙනවා. මෙවර කතාවේදී ජැක්සන් ලෑම්බ් සහ ඔහුගේ අසාර්ථක ඔත්තුකරුවන්ගේ කණ්ඩායම දරුණු පළිගැනීමේ ක්‍රීඩාවකට මැදිවෙලා ඉන්න අයුරු අපිට දකින්න පුළුවන්. විශේෂයෙන්ම ඩයනා ටේවර්නර්ගේ උපාය මාර්ග නිසා මේ කණ්ඩායම ලොකු අර්බුදයකට මුහුණ දෙනවා. ජැක්සන් ලෑම්බ්ගේ චරිතයට පණ පොවන ගැරී ඕල්ඩ්මන්ගේ සුපුරුදු රංගනය මෙවරත් කතාවට ලොකු ආකර්ෂණයක් එකතු කරනවා.
මේ ට්‍රේලරයේ තියෙන ලොකුම පුදුමය තමයි පළමු වාරයෙන් පස්සේ අතුරුදහන් වුණු ඔලිවියා කුක්ගේ ‘සිඩ් බේකර්’ චරිතය නැවතත් කතාවට එකතු වීම. රිවර් කාට්රයිට්ව මුණගැසෙන සිඩ්ගේ දර්ශනය රසිකයින්ව පුදුමයට පත් කරනවා. මීක් හෙරොන්ගේ නවකතා ඇසුරින් නිර්මාණය වුණු මේ කතාමාලාව කොටස් හයකින් සමන්විතයි. සැප්තැම්බර් 16 වෙනිදා සිට ඇපල් ටීවී ඔස්සේ මෙය නැරඹීමේ අවස්ථාව රසිකයින්ට ලැබෙනවා. පසුගිය වාරවල ලැබුණු ඉහළ ප්‍රතිචාරත් එක්ක, මෙවරත් මේ කතාමාලාව ඔත්තු සේවා කතා වලට කැමති අයට අමතක නොවන අත්දැකීමක් වේවි.
Discussion & Feedback