ප්‍රයිම් වීඩියෝ (Prime Video) හරහා විකාශය වුණු ජනප්‍රිය ‘It’s Not Like That’ කතාමාලාව තවත් ඉදිරියට ගෙන නොයෑමට එහි නිෂ්පාදකයන් තීරණය කරලා තියෙනවා. මේ ආරංචිය රසිකයන්ට නම් ලොකු කම්පනයක් වෙලා. මොකද මේ කතාමාලාවට Rotten Tomatoes දර්ශකයේ 100%ක ඉහළම අගයක් ලැබිලා තිබුණා වගේම, ප්‍රේක්ෂකයන් අතරත් ලොකු ජනප්‍රියත්වයක් තිබුණා. විශේෂයෙන්ම ඇමරිකාවේ ප්‍රයිම් වීඩියෝ දිනපතා නිකුත් කරන හොඳම කතාමාලා දහයේ ලැයිස්තුවේ පවා මේක දිගින් දිගටම රැඳී තිබුණා. ඒ නිසා මෙවැනි සාර්ථක කතාමාලාවක් එකම සීසන් එකකින් නතර කිරීම බොහෝ දෙනෙක්ට තවමත් අදහාගන්න බැරි දෙයක් වෙලා.
මේ කතාමාලාවෙන් කියවුණේ මියගිය බිරිඳගේ සැමියා වන මල්කම් සහ දික්කසාද වුණු මවක් වන ලෝරි අතර ඇතිවන ආදර කතාව සහ ඔවුන් දරුවන් සමඟ ජීවිතය ගෙවන ආකාරය ගැනයි. කතාවේ අවසානයත් ප්‍රේක්ෂකයන්ට ලොකු කුතුහලයක් ඉතිරි කරමින් තමයි අවසන් වුණේ. නමුත් දැන් මේ කතාවේ දෙවන සීසන් එකක් එන්නේ නැති බව තහවුරු වෙලා තියෙනවා. මේ ගැන සමාජ මාධ්‍ය හරහා අදහස් දක්වන රසිකයන් පවසන්නේ, මෙතරම් හොඳ කතාමාලාවක් කිසිම හේතුවක් නැතුව නතර කිරීම ප්‍රේක්ෂකයන්ට කරන අසාධාරණයක් බවයි. කෙසේ වෙතත්, නිෂ්පාදන පාර්ශ්වයෙන් මේ සම්බන්ධයෙන් වැඩිදුර පැහැදිලි කිරීමක් තවමත් සිදු කරලා නැහැ.
Discussion & Feedback