ප්‍රසිද්ධ ඇමරිකානු රැප් ගායක ෂෝන් කොම්බ්ස් හෙවත් ‘ඩිඩි’ මේ දිනවල ඉන්නේ හරිම අමාරු තැනක. ෆෝට් ඩික්ස් බන්ධනාගාරයේදී තවත් සිරකරුවෙක් එක්ක ඇති කරගත්තා කියන ගැටුමක් නිසා ඔහුගේ නිදහස් වීමේ දිනය තවත් කල් ගිහින් තියෙනවා. කලින් තිබුණ සැලසුමට අනුව 2028 ජනවාරි මාසයේදී ඔහුට නිදහස් වෙන්න අවස්ථාව තිබුණත්, දැන් ඒ දිනය 2028 පෙබරවාරි 20 දක්වා දීර්ඝ කරලා තියෙනවා. මේ ගැටුම ගැන නිල වශයෙන් වැඩි විස්තරයක් කියලා නැතත්, ආරංචි මාර්ග කියන්නේ දෙපැත්තෙන්ම වාග් ප්‍රහාර එල්ල කරගත්තා කියලයි. කොහොම වුණත් බන්ධනාගාර නිලධාරීන් ඉක්මනින්ම මැදිහත් වෙලා තත්ත්වය පාලනය කරලා තියෙනවා.
මේ අතරේ ඩිඩි සම්බන්ධයෙන් තවත් බරපතළ නඩු රැසක්ම රට පුරා විභාග වෙනවා. ලිංගික අපයෝජන සහ දූෂණ චෝදනා 65කට වැඩි ප්‍රමාණයකට ඔහු මුහුණ දීලා ඉන්නවා. ඔහු මේ සියලු චෝදනා ප්‍රතික්ෂේප කළත්, නීතිමය වශයෙන් ඔහුට තවමත් ලොකු අභියෝගයකට මුහුණ දෙන්න සිද්ධ වෙලා තියෙනවා. විශේෂයෙන්ම ලොස් ඇන්ජලීස් ප්‍රාන්තයේදීත් ඔහුට එරෙහිව තවත් නඩු කටයුතු ආරම්භ වුණොත්, ඔහුගේ සිර දඬුවම් කාලය තවත් බොහෝ සෙයින් වැඩි වෙන්න ඉඩ තියෙනවා කියලා තමයි දැනගන්න ලැබෙන්නේ. ඩොනල්ඩ් ට්‍රම්ප්ගෙන් සමාවක් ලබාගන්න ඔහු ගත් උත්සාහයත් අසාර්ථක වෙලා තියෙන නිසා, ඩිඩිගේ අනාගතය මේ වන විට ඉතාම අවිනිශ්චිත තත්ත්වයකයි තියෙන්නේ.
Discussion & Feedback