වැනීසිය චිත්‍රපට උළෙලේදී විශේෂ ජූරි සම්මානය දිනාගත් ‘NAZA’ නම් වාර්තා චිත්‍රපටය මේ වන විට ලෝකය පුරාම ලොකු කතාබහකට ලක්වෙලා තියෙනවා. ඊශ්‍රායල හමුදාව ගාසා තීරයේ සිවිල් වැසියන් ඉලක්ක කර පහර දෙන ආකාරය ගැන මේ චිත්‍රපටයෙන් හෙළිදරව් කරනවා. ඒත් මේ චිත්‍රපටය අධ්‍යක්ෂණය කරපු යුවාල් ඒබ්‍රහම් සහ රේචල් සෝර් කියන ඊශ්‍රායල ජාතික අධ්‍යක්ෂවරුන් දෙදෙනාට එරෙහිව ඊශ්‍රායලයේ සංස්කෘතික ඇමති මිකී සෝහාර් දැඩි තීරණයක් අරන් තියෙනවා. ඔහු කියන්නේ මේ චිත්‍රපටය රටට කරන ද්‍රෝහීකමක් කියලා සහ වහාම ක්‍රියාත්මක වන පරිදි ඔවුන්ගේ ඊශ්‍රායල පුරවැසිභාවය අහෝසි කරන බවයි.
ඇමතිවරයා චෝදනා කරන්නේ මේ අධ්‍යක්ෂවරුන් තමන්ගේ රටට අපහාස කරලා ලෝකයේ ඉන්න ඊශ්‍රායල විරෝධීන්ගෙන් ප්‍රශංසා ලබාගන්න උත්සාහ කරන බවයි. මේ චිත්‍රපටයේ නම වන ‘NAZA’ යන්නෙන් අදහස් වෙන්නේ ඊශ්‍රායල හමුදාව විසින් සිවිල් වැසියන්ගේ මරණ ‘අනුමත කළ හැකි හානියක්’ ලෙස සලකන ආකාරයයි. සමහර ප්‍රහාරවලදී සිවිල් වැසියන් 500ක් දක්වා මිය යාම පවා ඔවුන් සාමාන්‍ය දෙයක් ලෙස සලකන බව චිත්‍රපටයෙන් පෙන්වා දෙනවා. හිටපු අගමැති නෆ්තාලි බෙනට් ඇතුළු පිරිසක් මේ චිත්‍රපටය හඳුන්වලා තියෙන්නේ ඉතාම පහත් ක්‍රියාවක් විදිහටයි.
කෙසේ වෙතත්, මේ චිත්‍රපටයට වැනීසිය චිත්‍රපට උළෙලේදී මිනිත්තු 25ක අඛණ්ඩ ප්‍රේක්ෂක ආචාරයක් ලැබුණා. රජයේ මුදල් යොදවලා රටට අපහාස කරන චිත්‍රපට හදන යුගය අවසන් කරන බවත්, තමන්ගේ හමුදාවට අපහාස වන නිර්මාණවලට තවදුරටත් රාජ්‍ය අනුග්‍රහය නොදෙන බවත් ඇමතිවරයා අවධාරණය කරනවා. මේ සිදුවීමත් එක්ක කලාත්මක නිදහස සහ දේශප්‍රේමය අතර ගැටුම ගැන ලෝකය පුරාම ලොකු විවාදයක් ඇති වෙලා තියෙනවා.
Discussion & Feedback