ඉරානයේ ඉස්ලාමීය විප්ලවවාදී ආරක්ෂක බලකාය හෙවත් IRGC විසින් බහරේනයේ පිහිටි ඇමසන් සමාගමට අයත් දත්ත මධ්යස්ථානයක් ඉලක්ක කරගෙන මිසයිල ප්රහාරයක් එල්ල කළ බවට අලුත්ම තොරතුරු වාර්තා වෙනවා. ඇමරිකාව විසින් ඉරානයට එල්ල කළ හමුදා ප්රහාරවලට ප්රතිචාර දැක්වීමක් විදිහට මේ ප්රහාරය දියත් කළ බවයි ඔවුන් පවසන්නේ. ඉරාන රාජ්ය මාධ්ය හරහා මේ බව තහවුරු කරමින් ඔවුන් කියා සිටින්නේ, බහරේනයේ තිබුණු ඇමසන් සමාගමේ ප්රධාන දත්ත මධ්යස්ථානය සම්පූර්ණයෙන්ම විනාශ කිරීමට තමන්ට හැකි වුණු බවයි. ඒ වගේම ගල්ෆ් කලාපයේ තිබෙන ඇමරිකානු ගුවන් ආරක්ෂක පද්ධති ඉලක්ක කරගෙනත් මේ ප්රහාරය එල්ල කළ බව ඔවුන් වැඩිදුරටත් සඳහන් කරනවා.
මේ සිදුවීම සිද්ධ වෙන්නේ ඉරානය සහ ඇමරිකාව අතර පවතින උණුසුම් තත්ත්වය තවත් උත්සන්න වෙලා තියෙන වෙලාවකයි. ඉරානය චෝදනා කරන්නේ ඇමරිකාව විසින් ඔවුන්ගේ න්යෂ්ටික පහසුකම් ඇතුළු සිවිල් යටිතල පහසුකම්වලට ප්රහාර එල්ල කරන බවයි. කෙසේ වෙතත්, මේ ප්රහාරය සම්බන්ධයෙන් තවමත් ස්වාධීන කිසිදු තහවුරු කිරීමක් ලැබිලා නැහැ. ඇමසන් සමාගම, බහරේන බලධාරීන් හෝ ඇමරිකානු නිලධාරීන් මේ සම්බන්ධයෙන් මෙතෙක් කිසිදු නිල ප්රකාශයක් නිකුත් කරලත් නැහැ. ඒ නිසා මේ ප්රහාරය ඇත්තටම සිද්ධ වුණාද නැද්ද කියන එක තවමත් ගැටලුවක් විදිහටයි පවතින්නේ.

Discussion & Feedback