ඇමෙරිකානු හමුදා විසින් ඉරානයේ සිරීක් ප්රදේශයට එල්ල කළ මිසයිල ප්රහාරයකින් කුඩා දරුවෙකු ඇතුළු සිව්දෙනෙකු ජීවිතක්ෂයට පත්වීමත් සමඟ මැද පෙරදිග කලාපයේ උණුසුම් තත්ත්වයක් නිර්මාණය වෙලා තියෙනවා. මෙම ප්රහාරය එල්ල වෙලා තියෙන්නේ මංගල උත්සවයක් පැවැත්වෙමින් තිබූ නිවසකටයි. මේ සිදුවීමෙන් පසුව ඉරාන විප්ලවීය ආරක්ෂක බලකාය දැඩි ලෙස කෝපයට පත් වෙලා ඉන්න අතර, ඔවුන් ඇමෙරිකාවට දැඩි ප්රතිචාර දක්වන බවට අනතුරු අඟවා තිබෙනවා. මේ වන විට ඉරානය විසින් ජෝර්දානයේ පිහිටි ඇමෙරිකානු හමුදා කඳවුරක් ඉලක්ක කරගෙන බැලස්ටික් මිසයිල ප්රහාර මාලාවක් එල්ල කර ඇති බවත් වාර්තා වෙනවා.
කෙසේ වෙතත්, ජෝර්දාන හමුදාව පවසන්නේ තමන් ඉරානය එල්ල කළ මිසයිල බොහොමයක් අහසේදීම විනාශ කළ බවයි. මේ අතරතුර කුවේට් සහ බහරේන් රාජ්යයන්වලද පිපිරීම් හඬ ඇසී ඇති අතර, කලාපයේ ආරක්ෂක තත්ත්වය ඉතාම අවදානම් මට්ටමක පවතිනවා. ඇමෙරිකානු බලධාරීන් පවසන්නේ තමන් සිවිල් වැසියන් ඉලක්ක නොකරන බවත්, මෙම ප්රහාර එල්ල කළේ ඉරානය විසින් වාණිජ නෞකාවලට එල්ල කළ තර්ජන නිසා බවත්ය. ජුනි මාසයේදී දෙරට අතර ඇති කරගත් සටන් විරාම ගිවිසුම කල් ඉකුත් වීමත් සමඟ මෙලෙස යළිත් ගැටුම් උත්සන්න වී තිබීම ලෝක දේශපාලනයට විශාල බලපෑමක් ඇති කර තිබෙනවා. ඉදිරියේදී තත්ත්වය තවත් දරුණු විය හැකි බවට ජාත්යන්තර විශ්ලේෂකයින් අනතුරු අඟවනවා.

Discussion & Feedback