ශ්රී ලංකාවේ ගුරුභවතුන් සහ අධ්යාපන ක්ෂේත්රයේ ප්රවීණයන් එකතු වෙලා, අනාගත ලෝකයට ගැලපෙන විදිහට ඉගැන්වීම් ක්රමවේද වෙනස් කරන්නේ කොහොමද කියලා සාකච්ඡා කරන්න පසුගියදා කොළඹ BMICH පරිශ්රයේදී IFT 2026 සමුළුව පැවැත්වුණා. ‘From Knowing to Being’ තේමාව යටතේ ගේට්වේ ග්රැජුවෙට් ස්කූල් මගින් සංවිධානය කරපු මේ වැඩසටහනේ ප්රධාන අරමුණ වුණේ, පොතේ දැනුමට විතරක් සීමා නොවී දරුවන් තුළ විවේචනාත්මක චින්තනය, නිර්මාණශීලිත්වය සහ අභියෝගවලට මුහුණ දීමේ හැකියාව වර්ධනය කරන්නේ කොහොමද කියන එක ගැන කතා කිරීමයි.
මේ සමුළුවේදී දනංජය හෙට්ටිආරච්චි මහතා ඇතුළු දේශීය හා විදේශීය විශේෂඥයන් රැසක් අදහස් දැක්වූ අතර, විශේෂයෙන්ම කෘත්රිම බුද්ධිය (AI) සහ තාක්ෂණය අධ්යාපනයට වගකීමෙන් යුතුව යොදාගන්නා ආකාරය ගැන වැඩි අවධානයක් යොමු වුණා. ඒ වගේම, බ්රිතාන්යයේ ජොලි ලර්නින් (Jolly Learning) ආයතනයත් එක්ක ගේට්වේ ආයතනය අලුතින් ඇතිකරගත්ත හවුල්කාරිත්වය නිසා ලංකාවේ මුල්කාලීන සාක්ෂරතා අධ්යාපනයට ලොකු පිටුවහලක් ලැබෙනවා. විවිධ පාසල්වල ගුරුවරුන්ට එකිනෙකාගේ අත්දැකීම් බෙදාගන්නත්, අනාගතයේදී දරුවන්ව සමාජයට වැඩදායී පිරිසක් විදිහට ගොඩනගන්නේ කොහොමද කියලා ගැඹුරින් හිතන්නත් මේ සමුළුව කදිම අවස්ථාවක් වුණා.

Discussion & Feedback