මොරොක්කෝවේ ඉවුරේ සිට ස්පාඤ්ඤයට අයත් උතුරු අප්රිකානු භූමියක් වන සියුටා වෙත පසුගිය දින කිහිපය තුළ සංක්රමණිකයන් විශාල පිරිසක් අනතුරුදායක ලෙස පිහිනා ගොස් තිබෙනවා. මේ වන විට දහස් ගණනක් පිරිස් මෙලෙස දේශසීමා හරහා පැමිණ ඇති බවයි වාර්තා වෙන්නේ. සමහරු පිම්බූ රබර් බෝට්ටු සහ පාවෙන උපකරණ භාවිත කරමින් මුහුද තරණය කරන අතර, තවත් පිරිසක් දේශසීමා වැටවල් කඩාගෙන ඇතුළු වන අයුරු දැකගන්න පුළුවන්. මේ තත්ත්වය නිසා සියුටා ප්රදේශයේ පවතින සම්පත්වලට විශාල බලපෑමක් එල්ල වී ඇති බවත්, මෙය මානුෂීය සහ ආරක්ෂක අර්බුදයක් බවත් සියුටා නායක ජුවාන් ජේසුස් විවාස් පවසනවා.
මේ වන විටත් සංක්රමණිකයන් සඳහා වෙන් කර ඇති මධ්යස්ථානවල ධාරිතාව ඉක්මවා පිරිස් රැඳී සිටින නිසා ස්පාඤ්ඤ රජය වහාම මැදිහත් විය යුතු බව බලධාරීන් ඉල්ලා සිටිනවා. පසුගිය මාස කිහිපය තුළ මුහුදේ ගිලී මියගිය පුද්ගලයන් 60 දෙනෙකුගේ සිරුරු හමුවී තිබීමත් ඉතා කනගාටුදායක කරුණක්. 2021 වසරේදීත් මෙවැනිම ආකාරයෙන් දහස් ගණනක් සංක්රමණිකයන් සියුටා වෙත පැමිණීම නිසා ස්පාඤ්ඤය සහ මොරොක්කෝව අතර රාජ්ය තාන්ත්රික ගැටලු ඇති වුණා. යුරෝපා සංගමයට අප්රිකාව සමඟ ඇති එකම ගොඩබිම් දේශසීමාව මෙය වන නිසා, ආරක්ෂාව දැඩි කිරීමට පියවර ගත්තත්, තවමත් මෙවැනි අවදානම් සහගත ගමන්වල නිරත වන පිරිස් අඩු වී නැහැ.

Discussion & Feedback