මිනිසා අතීතයේ සිටම අහසේ පියාසර කරන්න සිහින මැව්වත්, 1776 වසරේ ඇමරිකාව බිහිවන විටත් අපේ පාද තිබුණේ පොළොව මතමයි. නමුත් 1783 දී මොන්ට්ගොල්ෆියර් සහෝදරයන්ගේ උණුසුම් වායු බැලූනයෙන් පටන් ගත් ගමන, රයිට් සහෝදරයන්ගේ ගුවන් යානය හරහා 1961 දී යූරි ගගාරින් අභ්‍යවකාශයට යවන තැනටම දියුණු වුණා. ඉන්පසුව ඇපලෝ 11 මෙහෙයුමෙන් නීල් ආම්ස්ට්‍රෝං සඳ මත පා තැබූ අයුරු මුළු ලෝකයම මවිතයට පත් කළා. දැන් දශක පහකට පසුව, නාසා ආයතනය ආටෙමිස් වැඩසටහන හරහා නැවතත් සඳ වෙත යන්න සූදානම් වෙනවා.
මෙවර නාසා ආයතනයේ ඉලක්කය වෙන්නේ සඳේ දක්ෂිණ ධ්‍රැවයේ කඳවුරක් පිහිටුවීමයි. මෙය හුදෙක් සඳට යාමක් පමණක් නොවෙයි, අඟහරු ග්‍රහයා වෙත යන ගමනේ මූලික පියවරක් ලෙසයි ඔවුන් දකින්නේ. දැනටමත් ආටෙමිස් 1 සහ 2 මෙහෙයුම් සාර්ථකව අවසන් කර ඇති අතර, 2028 වසර වන විට නැවතත් මිනිසුන් සඳ මතට ගොඩබස්වන්න ඔවුන් බලාපොරොත්තු වෙනවා. මේ අතර චීනයත් රුසියාව සමඟ එක්ව සඳ මත කඳවුරක් පිහිටුවීමට සැලසුම් කරමින් සිටින නිසා, අභ්‍යවකාශයේ අලුත්ම තරඟයක් දැන් නිර්මාණය වෙලා තියෙනවා. ඉදිරි වසර කිහිපය තුළ අභ්‍යවකාශ ගවේෂණයේ අතිශය තීරණාත්මක සහ උද්යෝගිමත් සිදුවීම් රැසක් අපට බලාගන්න පුළුවන් වේවි.
Discussion & Feedback