බර්ලින් තාප්පය බිඳ වැටීමෙන් පසු ජර්මනිය එක්සත් වුණත්, අද වන විට නැගෙනහිර ජර්මනියේ ප්රදේශ රැසක් ජනශූන්ය වෙමින් පවතින බව වාර්තා වෙනවා. විශේෂයෙන්ම සැක්සනි-ඇන්හාල්ට් වැනි ප්රාන්තවල ජනගහනය 26%කින් පමණ පහත වැටී තිබෙනවා. 1990 දශකයේදී රැකියා අවස්ථා සොයා බොහෝ තරුණ තරුණියන් බටහිර දෙසට සංක්රමණය වීමත්, අඩු උපත් අනුපාතයත් මේ තත්ත්වයට ප්රධාන හේතුවක් වෙලා. මේ නිසා එම ප්රදේශවල ආර්ථිකය සහ සමාජීය ව්යුහය දැඩි අර්බුදයකට මුහුණ දී තිබෙනවා.
මේ ජනගහන අඩුවීම සහ සමාජීය වෙනස්කම් දේශපාලන වශයෙන් ද විශාල බලපෑමක් ඇති කර තිබෙනවා. විශේෂයෙන්ම නැගෙනහිර ප්රදේශවල ජනතාව අතර පවතින කලකිරීම නිසා අන්ත දක්ෂිණාංශික දේශපාලන පක්ෂවලට සහයෝගය වැඩි වෙමින් පවතින බව පෙනෙන්නට තිබෙනවා. ඉදිරියේදී පැවැත්වෙන මැතිවරණවලදී මේ ප්රදේශවලින් එවැනි පක්ෂ බලයට පත්වීමේ අවදානමක් පවතින අතර, එය මුළු ජර්මනියටම විශාල බලපෑමක් විය හැකියි. සමාජ විද්යාඥයන් පෙන්වා දෙන්නේ, එක්සත් ජර්මනියක් ලෙස ඉදිරියට යද්දී නැගෙනහිර සහ බටහිර අතර පවතින මේ පරතරය පියවීම රජයට විශාල අභියෝගයක් වී ඇති බවයි.

Discussion & Feedback