ලෝකයේ තෙල් සහ ස්වාභාවික වායු ප්රවාහනයට අතිශය වැදගත් වන හෝර්මුස් සමුද්ර සන්ධිය යළි විවෘත කිරීම සම්බන්ධයෙන් ඕමානය සහ ඉරානය අතර සාකච්ඡා මේ වන විට අවසන් අදියරට පැමිණ තිබෙනවා. කෙසේ වෙතත්, මෙම සාකච්ඡා ධනාත්මක වුවත්, සමුද්ර සන්ධිය වහාම විවෘත කිරීමට තවමත් ඉඩක් ලැබෙන්නේ නැති බවයි ඉරාන විදේශ අමාත්ය අබ්බාස් අරග්චි පවසන්නේ. ඇමරිකාව සමඟ ඇති කරගත් ගිවිසුම් උල්ලංඝනය කිරීම් සම්බන්ධයෙන් වන්දි ලබා ගැනීම සහ ඇමරිකාව සිය හැසිරීම නිවැරදි කර ගැනීම වැනි කොන්දේසි කිහිපයක් ඉරානය විසින් ඉදිරිපත් කර තිබෙනවා.
මේ අතර, ඇමරිකානු උප ජනාධිපති ජේ.ඩී. වැන්ස් පවසන්නේ සාකච්ඡා ඉදිරියට ගියත් තවමත් වැඩ කොටසක් ඉතිරිව ඇති බවයි. මේ අතරතුර, ඕමානය ආසන්නයේදී එක්සත් අරාබි එමීර් රාජ්යයට අයත් තෙල් නැවකට ඉරානය විසින් මිසයිල ප්රහාරයක් එල්ල කළ බවට වාර්තා වනවා. එමෙන්ම බ්රිතාන්ය සමුද්රීය වෙළඳ මෙහෙයුම් ආයතනයද නාඳුනන ප්රක්ෂේපණයක් නැවක වැදීමෙන් ගින්නක් හටගත් බව තහවුරු කර තිබෙනවා. මෙම සිදුවීම් හේතුවෙන් සමුද්ර සන්ධියේ ආරක්ෂාව පිළිබඳව දැඩි අවිනිශ්චිතතාවයක් මතුව ඇති අතර, නැව් ගමනාගමනය සුරක්ෂිත කිරීම සඳහා දෙපාර්ශවයම තවමත් උත්සාහ කරමින් සිටිනවා.

Discussion & Feedback