ඇමරිකාවේ ප්රසිද්ධ සංචාරක ස්ථානයක් වන ග්රෑන්ඩ් කැනියොන් ප්රදේශයට හදිසියේ ඇති වූ ගංවතුර තත්ත්වයක් නිසා මේ වන විට විශාල කලබලකාරී තත්ත්වයක් ඇති වෙලා තියෙනවා. පසුගිය සෙනසුරාදා දහවල් කාලයේදී බ්රයිට් ඒන්ජල් කැනියොන් සහ ෆැන්ටම් රැන්ච් ප්රදේශවලට බලපෑ මෙම හදිසි ගංවතුර තත්ත්වය නිසා පුද්ගලයින් විසි දෙනෙකුට වැඩි පිරිසක් අතුරුදහන් වී ඇති බවටයි බලධාරීන් සැක පළ කරන්නේ. මේ වන විටත් ගුවන් මගින් පුද්ගලයින් හැට දෙදෙනෙකු ආරක්ෂිතව ඉවත් කර ගැනීමට කටයුතු කර තිබෙනවා. වාසනාවකට මෙන් මේ වන තෙක් කිසිදු තුවාල ලැබීමක් වාර්තා වෙලා නැහැ.
ජාතික උද්යාන සේවය පවසන විදිහට ගංවතුර නිසා ප්රදේශයේ මාර්ග සහ මංපෙත්වලට දැඩි හානි සිදුවෙලා තියෙනවා. ඒ නිසා මේ වන විට එම ප්රදේශයේ සියලුම ඇවිදීමේ මංපෙත් වසා දමන්නට පියවර අරන් තියෙනවා. ඉදිරි දිනවලදීත් තද වැසි සහ ගිගුරුම් සහිත වැසි ඇති විය හැකි බවට කාලගුණ අනාවැකි පළ වී තිබෙන නිසා තවත් ගංවතුර සහ නායයෑම් ඇති වීමේ අවදානමක් පවතිනවා. ඒ නිසා එම ප්රදේශයේ සංචාරය කිරීමට ගිය අය ගැන තොරතුරු දන්නා කෙනෙක් ඉන්නවා නම් වහාම බලධාරීන් දැනුවත් කරන ලෙස ජාතික උද්යාන සේවය ඉල්ලා සිටිනවා. ග්රෑන්ඩ් කැනියොන් කියන්නේ ලෝකයේම සංචාරකයින්ගේ අවධානය දිනාගත් ස්ථානයක් නිසා මේ තත්ත්වය බොහෝ දෙනාගේ කනස්සල්ලට හේතු වෙලා තියෙනවා.

Discussion & Feedback