මේ දවස්වල පවතින අධික උණුසුම් කාලගුණය නිසා දිවයිනේ ප්රදේශ කිහිපයක ජනතාවට දැඩි අවධානයෙන් ඉන්න කියලා කාලගුණ විද්යා දෙපාර්තමේන්තුව දැනුම් දෙනවා. විශේෂයෙන්ම නැගෙනහිර සහ උතුරු මැද පළාත්වලත්, යාපනය, කිලිනොච්චිය, වවුනියාව, මුලතිව් සහ මොනරාගල කියන දිස්ත්රික්කවලත් දහවල් කාලයේදී ශරීරයට දැනෙන උණුසුම ‘අවදානම් මට්ටමකට’ එහෙමත් නැත්නම් ‘Caution level’ එකට වැඩි වෙන්න පුළුවන් කියලා තමයි ඔවුන් පෙන්වා දෙන්නේ. ඒ නිසා මේ ප්රදේශවල ඉන්න අය දවල් කාලයේදී එළිමහනේ වැඩ කරනකොට ගොඩක් පරිස්සම් වෙන්න ඕනේ.
මේ වගේ තත්ත්වයක් පවතින වෙලාවකදී ශරීරයේ විජලනය වළක්වා ගන්න නිතරම වතුර බොන්න මතක තියාගන්න. ඒ වගේම දහවල් කාලයේදී අනවශ්ය විදිහට අව්වේ යෑම සීමා කරන්නත්, හැකි තරම් සෙවණේ රැඳී සිටින්නත් උත්සාහ කරන්න. විශේෂයෙන්ම කුඩා දරුවන් සහ වැඩිහිටියන් ගැන වැඩිපුර අවධානය යොමු කරන්න කියලා වෛද්යවරුන් පවා උපදෙස් දෙනවා. මොකද මේ අධික උණුසුම නිසා හදිසියේම අසනීප වෙන්න තියෙන ඉඩකඩ වැඩියි. ඒ නිසා ඔයාලා ඉන්න ප්රදේශවල උෂ්ණත්වය ගැන නිතරම විමසිල්ලෙන් ඉන්න වගේම, මොනවා හරි අසාමාන්ය තත්ත්වයක් දැනෙනවා නම් වහාම වෛද්ය උපදෙස් ලබාගන්නත් අමතක කරන්න එපා.

Discussion & Feedback