ඕස්ට්රේලියාවේ මෙල්බර්න් නුවර පැවති ශ්රී ලාංකික ව්යවසායකයින්ගේ හමුවකදී අමාත්ය සුනිල් හඳුන්නෙත්ති මහතා විශේෂ ප්රකාශයක් කළා. එහිදී ඔහු කිව්වේ ශ්රී ලංකාව නීතිය ඉදිරියේ සැමට සමාන, නිදහස සහ ඕනෑ තරම් අවස්ථා තියෙන ඕස්ට්රේලියාව වැනි දියුණු රටක් බවට පත් කරන බවයි. අධ්යාපනය, රැකියා හෝ නිදහස් ජීවිතයක් පතා විදෙස්ගත වුණු ශ්රී ලාංකිකයන්ට නැවතත් තමන්ගේ රට ගැන විශ්වාසයක් ඇති කරමින්, අනාගත පරපුරට සතුටින් ජීවත් වෙන්න පුළුවන් රටක් ගොඩනඟන බව ඔහු මෙහිදී අවධාරණය කළා.
රටේ ආර්ථිකය ශක්තිමත් කරන්න නම් නිෂ්පාදන මත පදනම් වූ ආර්ථිකයක් අවශ්ය බවත්, ඒ සඳහා විදෙස්ගත ශ්රී ලාංකික ව්යවසායකයන්ගේ දායකත්වය ඉතා වැදගත් බවත් අමාත්යවරයා පෙන්වා දුන්නා. දැනටමත් දූෂණයෙන් තොර, ආයෝජකයන්ට හිතකර සහ විනිවිද පෙනෙන ආර්ථික පරිසරයක් ලංකාවේ නිර්මාණය කරලා තියෙන නිසා, නව තාක්ෂණය සහ කර්මාන්ත දියුණු කරන්න ඉදිරියට එන්න කියලා ඔහු ව්යවසායකයන්ගෙන් ඉල්ලා සිටියා.
ඕස්ට්රේලියානු ශ්රී ලංකා ව්යාපාරික සංසදය විසින් සංවිධානය කරපු මේ උත්සවයට මෙල්බර්න් හි ශ්රී ලංකා කොන්සල් ජනරාල් ප්රදීපා සරම් මහත්මිය ඇතුළු රාජ්ය තාන්ත්රිකයන් සහ ව්යාපාරික ක්ෂේත්රයේ ප්රබලයන් රැසක් සහභාගි වුණා. රටේ පවතින අභියෝග ජයගෙන ඉදිරියට යන්න නම් හැමෝම එකතු වෙලා වැඩ කළ යුතු බවයි අමාත්යවරයා අවසාන වශයෙන් සිහිපත් කළේ.

Discussion & Feedback