ලොව පුරා ඉන්න ගේමින් ලෝලීන් බොහෝම ආසාවෙන් බලාගෙන ඉන්න Grand Theft Auto VI ක්‍රීඩාව ගැන අලුත්ම ආරංචියක් දැන් ලැබිලා තියෙනවා. ගොඩක් කල් ඉඳන් කතාබහට ලක්වුණු මේ ක්‍රීඩාව නිකුත් කිරීම සම්බන්ධයෙන් තිබුණු අවිනිශ්චිතතාවයන් මැද, Rockstar සමාගමේ මව් සමාගම වන Take-Two Interactive හි ප්‍රධාන විධායක නිලධාරී ස්ට්‍රවුස් සෙල්නික් විසින් මේ ගැන නිල වශයෙන්ම තහවුරු කරලා තියෙනවා. ඒ අනුව, GTA VI ක්‍රීඩාව මේ වසරේ නොවැම්බර් 19 වැනිදා නිකුත් කිරීමට සියල්ල සූදානම් බවයි ඔහු පවසන්නේ.
මේ වන විටත් ක්‍රීඩාව සඳහා පෙර ඇණවුම් (Pre-orders) භාරගැනීම ආරම්භ කරලා තියෙනවා. විශේෂඥයන් පවසන විදිහට, මේ ක්‍රීඩාව නිකුත් වී පළමු සතිය ඇතුළත ඇමරිකානු ඩොලර් බිලියන 5ක පමණ දැවැන්ත ආදායමක් උපයා ගැනීමට හැකියාව තියෙනවා. ඒ නිසාම, තවත් ප්‍රමාදයකින් තොරව නියමිත දිනටම ක්‍රීඩාව එළිදැක්වීමට සමාගම දැඩි උත්සාහයක නිරත වෙනවා. මීට අමතරව, රසිකයන් බොහෝ දෙනෙක් බලාපොරොත්තුවෙන් ඉන්න ක්‍රීඩාවේ තුන්වන ට්‍රේලරයත් ඉතා ඉක්මනින්ම බලාගන්න පුළුවන් වෙයි කියලා තමයි ආරංචි වෙන්නේ.
GTA V වලට වඩා වෙනස්, අලුත්ම නගරයක සහ අලුත් අත්දැකීම් රැසක් එක්ක එන මේ ක්‍රීඩාව ගැන ගේමින් ලෝකයේ ලොකු කතාබහක් ඇති වෙලා තියෙනවා. කොහොම වුණත්, මේ වසරේ නොවැම්බර් 19 වැනිදා ගේමින් ලෝකයේ සුවිශේෂී දිනයක් වේවි කියලා අපිට විශ්වාස කරන්න පුළුවන්.
Discussion & Feedback