මේ වසරේ යල කන්නයේදී ගොවීන්ගෙන් වී මිලදී ගන්නා සහතික මිල ගණන් පිළිබඳව වෙළඳ අමාත්ය වසන්ත සමරසිංහ මහතා විසින් නිල වශයෙන් ප්රකාශයට පත් කර තිබෙනවා. ඒ අනුව, නාඩු වී කිලෝවක් රුපියල් 120ක මිලකටත්, සම්බා වී කිලෝවක් රුපියල් 130ක මිලකටත්, කීරි සම්බා වී කිලෝවක් රුපියල් 140ක මිලකටත් මිලදී ගැනීමට රජය තීරණය කර ඇති බවයි අමාත්යවරයා සඳහන් කරන්නේ. ගොවීන්ට සාධාරණ මිලක් ලබාදෙමින් ඔවුන්ව දිරිමත් කිරීම මෙම වැඩපිළිවෙළේ ප්රධාන අරමුණ වී තිබෙනවා.
මීට අමතරව, වෙළඳපොළේ සහල් හිඟයක් ඇති නොවීමට වගබලා ගැනීම සඳහා දැනට ගබඩාවල පවතින සහල් තොග කඩිනමින් වෙළඳපොළට නිකුත් කිරීමට අවශ්ය පියවර ගෙන ඇති බවත් අමාත්යවරයා වැඩිදුරටත් පවසනවා. පාරිභෝගික ජනතාවට සහනදායී මිලකට සහල් ලබාගැනීමේ අවස්ථාව සලසා දීම මෙහි අරමුණයි. රජයේ මෙම තීරණයත් සමඟ ඉදිරියේදී සහල් මිල පාලනය කරමින් පාරිභෝගිකයාට සහ ගොවියාට යන දෙපාර්ශවයටම වාසිදායක තත්ත්වයක් උදාවනු ඇතැයි අපේක්ෂා කළ හැකියි.

Discussion & Feedback