ඉන්දුනීසියානු සිනමා අධ්යක්ෂිකා කමිලා ඇන්ඩිනීගේ නවතම සිනමා නිර්මාණය වන ‘Four Seasons In Java’ චිත්රපටය ලෝක සිනමා ප්රේක්ෂකයන් අතරට ගෙන ඒමට ‘Goodfellas’ ආයතනය කටයුතු කරමින් ඉන්නවා. ටොරොන්ටෝ ජාත්යන්තර සිනමා උළෙලේදී ලෝක මංගල දර්ශනය පැවැත්වීමට නියමිත මෙම චිත්රපටය, මනෝවිද්යාත්මක නාට්යමය අංග සහ අද්භූත යථාර්ථවාදී ලක්ෂණ මුසු කරමින් නිර්මාණය කර තිබීම විශේෂත්වයක්. මෙහි ප්රධාන චරිතයට පණ පොවන්නේ පුත්රී මැරිනෝ වන අතර, ඇය බන්ධනාගාරයෙන් නිදහස් වී නැවත තම ගම්මානයට පැමිණෙන පර්තිවි නම් කාන්තාවකගේ චරිතය නිරූපණය කරනවා. ඇය මුහුණ දෙන සමාජ ප්රතික්ෂේප කිරීම්, පවුලේ අයගෙන් එල්ල වන විරෝධය සහ අතීතයේ සැඟවුණු වේදනාකාරී මතකයන් ඔස්සේ කතාව ගලා යනවා.
මෙම චිත්රපටය හරහා කාන්තාවන්ට එරෙහිව සිදුවන ප්රචණ්ඩත්වය සහ ඉන්පසු ඔවුන්ගේ ජීවිතවලට සිදුවන බලපෑම් ගැන ගැඹුරින් කතා කරනවා. තමන්ගේ නිවස, පවුල සහ යුක්තිය පිළිබඳ අර්ථකථනය නැවත සකසා ගැනීමට පර්තිවි දරන උත්සාහය ඉතා සංවේදී ලෙස මෙහි දැකගන්න පුළුවන්. ඉන්දුනීසියාව, ප්රංශය, නෙදර්ලන්තය ඇතුළු රටවල් කිහිපයකම සහයෝගයෙන් නිර්මාණය වූ මෙම චිත්රපටය සඳහා ආර්යා සලෝකා සහ ක්රිස්ටීන් හකිම් වැනි ප්රවීණ නළු නිළියන් රැසක් දායක වෙනවා. මීට පෙර ඇන්ඩිනී අධ්යක්ෂණය කළ ‘Yuni’ සහ ‘Before, Now & Then’ වැනි චිත්රපට ජාත්යන්තර සම්මාන උළෙලවලදී විශාල ඇගයීමට ලක් වුණා. ඒ නිසාම, ඇගේ මෙම නවතම සිනමා අත්දැකීම ගැන ලෝක සිනමා ලෝලීන් අතර ඇත්තේ ලොකු බලාපොරොත්තුවක්.
Discussion & Feedback