PlayStation ලෝකයේ අතිශය ජනප්‍රිය ක්‍රීඩාවක් වන God of War ගැන මේ දවස්වල අලුත්ම කතාවක් පැතිරෙනවා. ග්‍රීක පුරාවෘත්ත පසුබිම් කරගෙන නිර්මාණය වුණු මුල්ම God of War ක්‍රීඩා තුන නැවතත් අලුත් තාක්ෂණයෙන් Remake කරන බව දැනටමත් තහවුරු කරලා තියෙනවා. ඒත් එක්කම මේ ක්‍රීඩාව ගැන රසිකයන් අතර ලොකු කතාබහක් ඇතිවෙලා තියෙන්නේ මේකේ නිකුත් කිරීමේ ක්‍රියාවලිය සම්බන්ධයෙන් තියෙන මතභේදාත්මක තීරණයක් නිසයි. දැනට ලැබෙන ආරංචි අනුව, මේ ක්‍රීඩාව 2028 වසරේදී තමයි එළිදැක්වෙන්න නියමිත වෙලා තියෙන්නේ.
PlayStation ආයතනය 2028 වසරේ ඉඳන් ඔවුන්ගේ ක්‍රීඩා සඳහා භෞතික තැටි (Physical Discs) නිෂ්පාදනය නතර කරන්න සැලසුම් කරලා තියෙනවා. ඒ නිසා God of War Trilogy Remake එකත් අනිවාර්යයෙන්ම ඩිජිටල් පිටපතක් විතරක් විදිහට තමයි වෙළඳපොළට එන්නේ. ගොඩක් රසිකයන් මේ තීරණය ගැන සෑහීමකට පත් වෙන්නේ නැහැ. Santa Monica ආයතනයේ ග්‍රේස් ඕර්ලඩි කියන විදිහට මේ ක්‍රීඩාවේ වැඩ කටයුතු තවමත් මුල්ම අවධියේ තමයි තියෙන්නේ. ඒ නිසා මේක අපේ අතට ලැබෙන්න තව ගොඩක් කල් යාවි.
කොහොම වුණත්, ක්‍රීඩා ලෝලීන්ට බලාපොරොත්තු සුන් කරගන්න දෙයක් නැහැ. මොකද 2027 වසරේදී ‘God of War Laufey’ නමින් අලුත්ම ක්‍රීඩාවක් එන්න නියමිතයි. ක‍්‍රැටෝස්ගේ අතීත කතාව නැවත අලුත් විදිහකට අත්විඳින්න ලැබෙන මේ Remake එක ගැන තවමත් නිශ්චිත දිනයක් ප්‍රකාශ කරලා නැති වුණත්, රසිකයන් මේ වෙනුවෙන් ලොකු බලාපොරොත්තුවකින් ඉන්නවා. ඉදිරියේදී මේ ගැන තවත් තොරතුරු දැනගන්න පුළුවන් වේවි.
Discussion & Feedback