අතීතයේ සිදුවුණු අමානුෂික වහල් වෙළඳාම සම්බන්ධයෙන් වන්දි ලබාගැනීම සඳහා මේ වන විට ලෝක මට්ටමින් විශාල කතාබහක් ඇතිවෙලා තියෙනවා. විශේෂයෙන්ම අප්රිකානු රටවල් මේ වෙනුවෙන් පෙරමුණ අරගෙන ඉන්නේ. මේ අතරින් ගානාව ප්රධාන තැනක් ගන්නවා. ඔවුන් පවසන්නේ වහල් වෙළඳාම කියන්නේ මානව වර්ගයාට එරෙහිව සිදුවුණු ලොකුම අපරාධයක් බවයි. ගානාවේ කේප් කෝස්ට් කාසල් බලකොටුව තමයි එකල වහල් සිරකරුවන්ව නැව්වලට පටවන්න කලින් රඳවාගෙන හිටපු ප්රධානම ස්ථානය. ඒ නිසා මේ අපරාධය සිදුවුණු ‘අපරාධ භූමිය’ විදිහට ගානාවට මේ ගැන නිහඬව ඉන්න බැහැ කියලා එරට විදේශ ඇමතිවරයා පවා අවධාරණය කරනවා.
මේ වහල් සේවය නිසා ලාභ ලැබූ බ්රිතාන්යය වගේ රටවල් වන්දි ගෙවීමට අකමැති වුණත්, ගානාව මේ සටන අතහරින්නේ නැහැ. ඔවුන් ඉල්ලා සිටින්නේ මුදල් පමණක් නෙවෙයි, ණය කපා හැරීම, අධ්යාපන ශිෂ්යත්ව සහ තරුණ ව්යවසායකයන්ට ආයෝජන අවස්ථා ලබාදීම වැනි දේවල්. මෑතකදී කැන්ටබරිහි අගරදගුරුතුමිය පවා ගානාවේ සංචාරයක නිරත වෙමින් මේ අඳුරු ඉතිහාසය ගැන තමන්ගේ කනගාටුව ප්රකාශ කළා. වහල් වෙළඳාමෙන් ලාභ ලැබූ එංගලන්ත පල්ලිය වැනි ආයතන පවා මේ වගකීම භාරගත යුතු බවයි ගානාව පෙන්වා දෙන්නේ. මේ සටන අනාගතයේදී ජාත්යන්තර දේශපාලනය තුළ තවත් විශාල වෙනසක් ඇති කරාවි කියලා අපිට හිතන්න පුළුවන්.

Discussion & Feedback