ජර්මනියේ සැක්සනි ප්රාන්තයේ හයිඩෙනාවු නගර සභාව විසින් නාසි සමයේ වින්දිතයන් සිහිපත් කිරීම සඳහා වීදිවල අටවා තිබූ ‘ස්ටම්බ්ලින් ස්ටෝන්’ (Stumbling stones) හෙවත් කුඩා පිත්තල ස්මාරක තහනම් කිරීමට ගත් තීරණය මේ වන විට දැඩි විවේචනයට ලක්වෙලා තියෙනවා. 1990 දශකයේ සිට යුරෝපය පුරාම වින්දිතයන් ජීවත් වූ නිවෙස් අසල මෙවැනි ස්මාරක පිහිටුවා තිබුණේ ඔවුන්ගේ අතීතය සිහිපත් කිරීමටයි. නමුත් හයිඩෙනාවු නගර සභාවේ දක්ෂිණාංශික AfD පක්ෂය සහ ගතානුගතික CDU පක්ෂය එක්ව මෙම ස්මාරක ඉවත් කර ඒවා සුසාන භූමියකට ගෙන යා යුතු බවට යෝජනාවක් සම්මත කරගෙන තියෙනවා. ඔවුන් පවසන්නේ වීදිවල මෙවැනි ස්මාරක තිබීම නුසුදුසු බවයි.
මෙම තීරණය සම්බන්ධයෙන් ජර්මනියේ අධ්යාපන ඇමතිනි කැරින් ප්රියන් පවසන්නේ මෙය ඉතාම නින්දිත ක්රියාවක් බවයි. ඇය පෙන්වා දෙන්නේ යුදෙව්වන්ගේ අතීතය පොදු අවකාශයෙන් ඉවත් කර සුසාන භූමියකට සීමා කිරීම මගින් ඔවුන්ව නැවත වරක් අදෘශ්යමාන කිරීමට උත්සාහ කරන බවයි. හොලොකෝස්ට් වින්දිතයන් සිහිපත් කිරීමේ වැදගත්කම අවධාරණය කරන බොහෝ දෙනා පවසන්නේ මෙය ප්රජාතන්ත්රවාදී වටිනාකම්වලට එල්ල කළ පහරක් බවයි. කෙසේ වෙතත්, මෙම සිදුවීමත් සමඟ ජර්මනියේ දේශපාලන කරළියේ නාසිවාදය සහ අතීතය සිහිපත් කිරීම සම්බන්ධයෙන් දැඩි සංවාදයක් යළිත් මතුවෙලා තියෙනවා.

Discussion & Feedback