ගේම් ඔෆ් ත්‍රෝන්ස් නිර්මාතෘ ජෝර්ජ් ආර්.ආර්. මාටින් කියන්නේ විද්‍යා ප්‍රබන්ධ කතා වලට ගොඩක් ආදරේ කරන කෙනෙක්නේ. ඉතින් එයා ගොඩක් අගය කරපු, ඒ වගේම කලින් රූපවාහිනී නාලිකාවකින් අතරමග නවත්වපු ‘ද එක්ස්පෑන්ස්’ (The Expanse) කතා මාලාව ගැන රසිකයන්ට සුබ ආරංචියක් ලැබිලා තියෙනවා. මේ ජනප්‍රිය කතා මාලාව පාදක කරගෙන ‘ද එක්ස්පෑන්ස්: ඔසිරිස් රිබෝන්’ (The Expanse: Osiris Reborn) නමින් අලුත්ම වීඩියෝ ක්‍රීඩාවක් 2027 වසරේදී එළිදැක්වීමට නියමිතයි. මේක ඇත්තටම මාටින් වගේම මේ කතා මාලාවට ආදරේ කරන හැමෝටම ලොකු සතුටක් ගෙන දෙන කාරණයක්.
මේ වීඩියෝ ක්‍රීඩාව නිර්මාණය කරන්නේ Owlcat Games ආයතනය විසින්. මේක ‘මැස් ඉෆෙක්ට්’ (Mass Effect) ක්‍රීඩාවට සමාන ආකාරයේ, තෙවන පාර්ශවීය ක්‍රියාදාම RPG ක්‍රීඩාවක් විදිහට තමයි නිර්මාණය වෙන්නේ. මෙහිදී ක්‍රීඩකයන්ට ‘රොසිනාන්ටේ’ කණ්ඩායමේ සාමාජිකයන් වෙනුවට, අභ්‍යවකාශයේ කුලී හේවායෙක් විදිහට රඟපාමින් තමන්ගේම කණ්ඩායමක් හදාගෙන අභ්‍යවකාශයේ තියෙන රහස් සොයා යන්න පුළුවන්. විශේෂයෙන්ම ක්‍රීඩකයා ගන්නා තීරණ මත කතාවේ ගමන් මග වෙනස් වෙන විදිහට තමයි මේක හදලා තියෙන්නේ.
මේ වන විටත් ස්ටීම් (Steam) හරහා මේ ක්‍රීඩාව ගැන වැඩි විස්තර දැනගන්න වගේම එය විෂ් ලිස්ට් (Wishlist) එකට එකතු කරගන්නත් රසිකයන්ට අවස්ථාව තියෙනවා. මාටින් වගේම මේ කතා මාලාවේ රසිකයෙක් නම්, 2027 වසරේදී එන මේ අලුත්ම අත්දැකීම අනිවාර්යයෙන්ම මගහැරගන්න එපා.
Discussion & Feedback