මේ දවස්වල දූෂිතයන්ට එරෙහිව නීතිය ක්රියාත්මක වෙද්දී අපේ රටේ තරුණ පරපුර හරිම සතුටින් ඉන්නවා කියලා අමාත්ය විජිත හේරත් මහතා පවසනවා. පසුගිය අඟහරුවාදා පැවති කැබිනට් තීරණ දැනුම්දීමේ මාධ්ය හමුවේදී අමාත්යවරයා මේ බව සඳහන් කළේ, පාර්ලිමේන්තු මන්ත්රී නාමල් රාජපක්ෂ අත්අඩංගුවට ගැනීම සම්බන්ධයෙන් එක්සත් ජාතික පක්ෂය කරපු ප්රකාශයකට පිළිතුරු දෙමින්. දූෂිතයන්ට දඬුවම් දීම ශිෂ්ට සමාජයක් අනුමත කරන්නේ නැහැ කියලා එක්සත් ජාතික පක්ෂය කරපු චෝදනාව අමාත්යවරයා මෙහිදී තරයේ ප්රතික්ෂේප කළා.
අමාත්යවරයා වැඩිදුරටත් කිව්වේ, රට විනාශ කරපු හොරුන් සහ දූෂිතයන් පන්නා දාන්න කියලා තමයි ගාලු මුවදොර අරගලයේදී තරුණ පරපුර ඉල්ලා සිටියේ කියලා. ඒ නිසා අද දූෂිතයන්ට නීතියෙන් දඬුවම් ලැබෙනකොට තරුණ පරපුර ඉන්නේ ලොකු සතුටකින්. ඇත්තටම ඔවුන් කලකිරුණේ මේ දේවල් වෙන්න පරක්කු වුණාට මිසක් දඬුවම් දෙන එකට නෙවෙයි. ඒ නිසා අද තරුණ පරපුර තමන් බලාපොරොත්තු වුණු දේ සිද්ධ වෙනවා දකිද්දී හරිම සතුටින් ඉන්නවා කියලයි අමාත්යවරයා අවධාරණය කළේ.

Discussion & Feedback