මේ දවස්වල දූෂිතයන්ට නීතියෙන් දඬුවම් ලැබෙන එක ගැන අද ඉන්න තරුණ පරපුර හරිම සතුටින් ඉන්නේ කියලා අමාත්ය විජිත හේරත් මහතා පවසනවා. පසුගිය අඟහරුවාදා පැවති කැබිනට් තීරණ දැනුම්දීමේ මාධ්ය හමුවේදී අමාත්යවරයා මේ බව සඳහන් කළේ, නාමල් රාජපක්ෂ මන්ත්රීවරයාගේ අත්අඩංගුවට ගැනීම සම්බන්ධයෙන් එක්සත් ජාතික පක්ෂය නිකුත් කරපු ප්රකාශයකට පිළිතුරු දෙමින්. දේශපාලන අයිතිවාසිකම් උල්ලංඝනය කිරීම ගැන තරුණයන් කලකිරෙන බවට එජාපය කරපු චෝදනාව අමාත්යවරයා මෙහිදී තරයේ ප්රතික්ෂේප කළා.
අමාත්යවරයා වැඩිදුරටත් කිව්වේ, රට විනාශ කරපු හොරු සහ දූෂිතයන් එළවා දාන්න කියලා තමයි ගාලු මුවදොර අරගලයේදී තරුණ පරපුර ඉල්ලා සිටියේ කියලා. ඒ නිසා දූෂිතයන්ට දඬුවම් ලැබෙනවා දකින එක ඔවුන්ට ලොකු සතුටක්. ඇත්තටම තරුණයන් කලකිරිලා හිටියේ මේ දේවල් වෙන්න පරක්කු වුණාට මිසක්, නීතිය ක්රියාත්මක වෙන එකට නෙවෙයි. ඒ නිසා අද තරුණ පරපුර ඉන්නේ තමන් බලාපොරොත්තු වුණ දේ ඉටු වෙනවා දකිමින් හරිම සතුටින් කියලා අමාත්යවරයා අවධාරණය කළා.

Discussion & Feedback