අද කාලේ තරුණ පරපුර Tinder වගේ ඇප්ස් වල පැය ගණන් ස්වයිප් කර කර ඉඳලා හරිම කලකිරීමකින් ඉන්නේ. මේ ප්රශ්නයට විසඳුමක් විදිහට තමයි ‘Ditto’ කියන අලුත්ම ක්රමවේදය නිර්මාණය වෙලා තියෙන්නේ. මේක සාමාන්ය ඇප් එකක් නෙවෙයි; මෙතනදී වෙන්නේ AI තාක්ෂණය පාවිච්චි කරලා ඔයාට ගැලපෙනම කෙනාව හොයලා දෙන එක. මේකේ විශේෂත්වය තමයි කිසිම ස්වයිප් කිරීමක් හෝ අනවශ්ය මැසේජ් හුවමාරු කරගැනීමක් නැති එක. ඔයාට කරන්න තියෙන්නේ Ditto එකේ ලියාපදිංචි වෙලා ඔයාගේ විස්තර ටික ලබා දෙන එක විතරයි. ඊට පස්සේ AI එක මගින් ඔයාගේ පෞරුෂයට සහ කැමැත්තට ගැලපෙන කෙනාව තෝරලා, හැම බදාදාවකම රෑ 7ට ඔයාව හමුවෙන්න ඕනේ තැන සහ වෙලාව මැසේජ් එකකින් දැනුම් දෙනවා.
Ditto නිර්මාතෘවරු කියන විදිහට, ඔවුන් මිනිස්සුන්ගේ විනෝදාංශ විතරක් නෙවෙයි, ඒ පිටුපස තියෙන ගැඹුරු පෞරුෂයත් විශ්ලේෂණය කරනවා. උදාහරණයක් විදිහට, කඳු නගින කෙනෙක් සහ ස්කේට්බෝඩ් පදින කෙනෙක් පෙනුමෙන් වෙනස් වුණාට, ඇතුළාන්තයෙන් දෙන්නම එකම විදිහේ නිර්භීත අය වෙන්න පුළුවන්. මේ වගේ දේවල් හරියටම හඳුනාගෙන තමයි ඔවුන් මැචින් එක කරන්නේ. දැනටමත් විශ්වවිද්යාල සිසුන් ලක්ෂ එකහමාරක් විතර මේකට සම්බන්ධ වෙලා ඉන්නවා. ආරක්ෂාව ගැන හිතලා දැනට මේක ක්රියාත්මක වෙන්නේ විශ්වවිද්යාල මට්ටමින් විතරයි. කොහොම වුණත්, මේ අලුත් ක්රමය නිසා තරුණ තරුණියන්ට කිසිම පීඩනයක් නැතුව, ඇත්තටම එකිනෙකාව මුණගැහෙන්න අවස්ථාව ලැබෙනවා. මේක ඇත්තටම ආදරය හොයන අයට හරිම පහසු සහ අලුත් අත්දැකීමක් වෙයි.

Discussion & Feedback