ගූගල් සමාගම විසින් ඔවුන්ගේ ජනප්රිය Gemini ඇප් එක හරහා අලුත්ම පහසුකමක් හඳුන්වා දීලා තියෙනවා. ඒ අනුව, ඇමරිකාවේ ඉන්න පරිශීලකයන්ට දැන් Nano Banana තාක්ෂණයෙන් බලගැන්වෙන පෞද්ගලීකරණය කළ රූප නිර්මාණය කිරීමේ පහසුකම කිසිදු මුදලක් ගෙවන්නේ නැතුව නොමිලේම භාවිතා කරන්න පුළුවන්. මීට කලින් මේ පහසුකම ලබාගන්න පුළුවන් වුණේ Plus, Pro සහ Ultra වැනි ගෙවීම් සහිත සේවාවන් භාවිතා කරන අයට විතරයි. නමුත් දැන් මේ පහසුකම සාමාන්ය පරිශීලකයන්ටත් විවෘත කරලා තියෙනවා.
මේ විශේෂාංගය හරහා Gemini ඇප් එකට ඔබේ කැමැත්ත සහ අභිමතයන් ගැන අවබෝධයක් ලබාගන්න පුළුවන්. ඒ සඳහා Gmail, Google Photos, YouTube සහ Search වැනි ඔබේ ගූගල් ගිණුමේ තියෙන දත්ත භාවිතා කරනවා. උදාහරණයක් විදියට, ඔබට අවශ්ය දේවල් ගැන දීර්ඝ විස්තරයක් ලබාදෙන්න අවශ්ය නැහැ. “මගේ ප්රියතම දේවල් එක්ක මගේ රූපයක් හදන්න” කියලා කිව්වම, Gemini විසින්ම ඔබේ Google Photos වල තියෙන ඡායාරූප පවා භාවිතා කරලා ඉතාම ලස්සන රූපයක් නිර්මාණය කරලා දෙනවා.
මේ පෞද්ගලීකරණය කළ පහසුකම භාවිතා කරනවාද නැද්ද කියන එක තීරණය කිරීමේ සම්පූර්ණ අයිතිය පරිශීලකයා සතුයි. ඔබට අවශ්ය වෙලාවක Tools මෙනුව හරහා මේක ක්රියා විරහිත කරන්නත් පුළුවන්. දැනටමත් ලොව පුරා මිලියන 750කට අධික පිරිසක් භාවිතා කරන Gemini, මේ නව වෙනස්කම් එක්ක තවත් දියුණු මට්ටමකට එන බවයි පෙනෙන්නට තියෙන්නේ. ඉදිරියේදී තවත් අලුත් විශේෂාංග රැසක් Gemini ඇප් එකට එකතු වෙන්න නියමිතයි.

Discussion & Feedback