මේ දවස්වල පාරිභෝගික කටයුතු පිළිබඳ අධිකාරිය විසින් දිවයින පුරා සිදුකරපු වැටලීම්වලදී හෙළි වුණේ හිතාගන්නවත් බැරි තරම් බරපතළ කාරණයක්. පෞද්ගලික රෝහල් සහ වෛද්ය රසායනාගාර 23ක් රෝගීන්ගේ ජීවිත අනතුරේ දාමින් කල් ඉකුත් වූ ඖෂධ සහ රසායනික ද්රව්ය භාවිත කරලා තියෙනවා. මේ සම්බන්ධයෙන් අධිකරණ ක්රියාමාර්ග අරගෙන තියෙන අතර, අදාළ ආයතනවලට රුපියල් ලක්ෂ 58කට ආසන්න දඩ මුදලක් ගෙවන්න සිද්ධ වෙලා තියෙනවා. විශේෂයෙන්ම යාපනය වීනස් ස්පෙෂලිටි රෝහලට රුපියල් ලක්ෂ 30ක විශාල දඩයක් නියම වෙලා තියෙනවා වගේම, ලංකා හොස්පිටල් ඩයග්නොස්ටික්ස්, අසිරි හොස්පිට්ල්, නවලෝක සහ තවත් ප්රසිද්ධ රෝහල් රැසකටම මේ නීතිමය ගැටලුවලට මුහුණ දෙන්න සිද්ධ වෙලා තියෙනවා.
මේ ආයතනවලින් සිද්ධ වෙලා තියෙන වැරදි අතර කල් ඉකුත් වූ රසායනික ද්රව්ය රුධිර පරීක්ෂණ වගේ දේවල්වලට යොදා ගැනීම, නියමිත මිලට වඩා වැඩි මුදලක් අය කිරීම සහ කල් ඉකුත් වූ ඖෂධ නිසි ලෙස වෙන් නොකර ගබඩා කිරීම වගේ දේවල් දකින්න පුළුවන්. මේ වගේ ක්රියාවන් මහජන සෞඛ්යට ලොකු තර්ජනයක් නිසා ඉදිරියටත් දිවයින පුරා වැටලීම් දිගටම කරගෙන යනවා කියලා පාරිභෝගික අධිකාරිය කියනවා. ඔයාලටත් මේ වගේ සැක සහිත යමක් පෞද්ගලික රෝහලකින් හෝ රසායනාගාරයකින් දකින්න ලැබුණොත්, වහාම 1977 කියන ක්ෂණික ඇමතුම් අංකයට කතා කරලා පැමිණිලි කරන්න පුළුවන්. තමන්ගේ සෞඛ්ය ගැන සැලකිලිමත් වෙන්න මේ වගේ දේවල් ගැන දැනුවත් වීම හරිම වැදගත්.

Discussion & Feedback