දැන් ප්රංශයේ ඉන්න අයට අනවශ්ය විදිහට එන වෙළඳ දැන්වීම් ඇමතුම්වලින් සහනයක් ලැබෙනවා. අගෝස්තු 11 වැනිදා ඉඳන් ක්රියාත්මක වෙන අලුත් නීතියට අනුව, ඕනෑම සමාගමකට පාරිභෝගිකයෙක්ගේ කැමැත්ත නැතුව වෙළඳ දැන්වීම් ඇමතුම් ලබා දෙන්න බැහැ. ඉස්සර නම් මේ වගේ ඇමතුම් එන එක නවත්තන්න පාරිභෝගිකයන්ටම වෙනම ක්රියාමාර්ග ගන්න සිද්ධ වුණා. හැබැයි දැන් ඒ ක්රමය සම්පූර්ණයෙන්ම වෙනස් වෙලා තියෙනවා.
දැන් සමාගම්වලට පාරිභෝගිකයෙක්ට කතා කරන්න කලින්, ඒ පාරිභෝගිකයා තමන්ගේ වෙළඳ දැන්වීම් ලබා ගන්න කැමති බවට සාක්ෂි තියාගන්න වෙනවා. හැබැයි දැනටමත් පවතින ගිවිසුම් සම්බන්ධ ඇමතුම් වගේ සීමිත අවස්ථා කිහිපයකට විතරක් මේ නීතියෙන් නිදහසක් ලැබෙනවා. පාරිභෝගිකයන්ට එන අනවශ්ය කරදර සහ වංචනික ඇමතුම් අවම කිරීම තමයි මේ පියවරේ ප්රධාන අරමුණ වෙලා තියෙන්නේ.
මේ නීතිය කඩ කරන සමාගම්වලට සහ පුද්ගලයන්ට ඉතාමත් දැඩි දඩ මුදල් ගෙවන්න සිද්ධ වෙනවා. ඒ අනුව සමාගමකට යුරෝ 375,000ක් දක්වාත්, පුද්ගලයෙක්ට යුරෝ 75,000ක් දක්වාත් දඩ මුදල් නියම වෙන්න පුළුවන්. මේ වගේ දැඩි නීති හඳුන්වා දීමත් එක්ක, පාරිභෝගිකයන්ගේ පෞද්ගලිකත්වයට සහ ඔවුන්ගේ කාලයට ලොකු ආරක්ෂාවක් ලැබෙන බව තමයි බලධාරීන් කියන්නේ. ඇත්තටම මේක පාරිභෝගිකයන්ට ලැබුණු ලොකු ජයග්රහණයක් විදිහට හඳුන්වන්න පුළුවන්.

Discussion & Feedback