ලෝක බොක්සිං ශූරයෙක් වුණු සොලානි ටෙටේ පසුගිය සිකුරාදා දකුණු අප්රිකාවේදී වෙඩි තබා ඝාතනය කිරීමේ පුවත ලෝකයම කම්පාවට පත් කළා. තමන්ගේ නිවස ඉදිරිපිට වාහනයක රැඳී සිටියදී මුහුණු ආවරණය කරගත් පිරිසක් ඔහුට වෙඩි තබා තිබුණේ ඉතාමත් සැලසුම් සහගතවයි. මේ සිදුවීමෙන් ටෙටේ සමඟ සිටි තරුණියකුත් බරපතළ තුවාල ලබා රෝහල්ගත කර තිබෙනවා. මේ වන විට මෙම ඝාතනය සම්බන්ධයෙන් සැකපිට පුද්ගලයින් සිව්දෙනෙක්ව දකුණු අප්රිකානු පොලිසිය විසින් අත්අඩංගුවට ගෙන තියෙනවා. ඔවුන්ව අධිකරණයට ඉදිරිපත් කිරීමට නියමිත අතර, මිනීමැරුම් සහ අවි ආයුධ ළඟ තබා ගැනීම වැනි චෝදනා ඔවුන්ට එල්ල වී තිබෙනවා.
වයස අවුරුදු 38ක් වුණු ටෙටේ බොක්සිං ක්රීඩාවේ ඉතාමත් දක්ෂතා පෙන්වූ ක්රීඩකයෙක්. ඔහු වරක් ලෝක වාර්තාවක් පවා පිහිටුවා තිබුණේ තත්පර 11කින් තරගයක් ජයග්රහණය කරමින්. තහනම් උත්තේජක භාවිතය නිසා ඔහුට වසර හතරක තහනමක් පැනවී තිබුණත්, එම කාලය අවසන් වීමෙන් පසු ඔහු නැවතත් ක්රීඩා පිටියට ඒමට දැඩි උත්සාහයක නිරත වෙමින් සිටියා. ඔහුගේ හදිසි වියෝව ගැන දකුණු අප්රිකාවේ ක්රීඩා අමාත්යවරයා ඇතුළු බොහෝ දෙනෙක් ශෝකය පළ කර තිබෙනවා. දකුණු අප්රිකාවේ ඉහළ යන අපරාධ රැල්ල හමුවේ මෙවැනි දක්ෂ ක්රීඩකයෙක් අහිමි වීම රටටම විශාල පාඩුවක් බවයි බොහෝ දෙනා පවසන්නේ.

Discussion & Feedback