ඉන්දුනීසියාවේ සුප්රසිද්ධ ‘ගෝජෙක්’ (Gojek) ඇප් එකේ සම නිර්මාතෘ සහ හිටපු අධ්යාපන අමාත්ය නදීම් මකරීම්ට වසර දහයක සිරදඬුවමක් නියම වෙලා තියෙනවා. ඔහුට මේ දඬුවම ලැබුණේ පාසල් සඳහා ලැප්ටොප් පරිගණක මිලදී ගැනීමේ ගනුදෙනුවකදී දූෂණ ක්රියාවල නිරත වුණා කියන චෝදනාව මතයි. රජයට ඇමරිකානු ඩොලර් මිලියන 125ක පාඩුවක් සිදු කළා කියලයි නඩු පවරන්නන් පවසන්නේ. නදීම් තමන් මේ චෝදනා කිසිවක් පිළිගන්නේ නැති බවත්, තමන් දේශපාලන පළිගැනීමකට ලක්වෙලා තියෙන බවත් පවසනවා. ඔහු තමන්ගේ පෞද්ගලික ව්යාපාරික සාර්ථකත්වය අතහැර රට වෙනුවෙන් සේවය කරන්න ආවට ලැබුණේ මේ වගේ අවාසනාවන්ත ඉරණමක් කියලා ඔහු කනගාටුවෙන් ප්රකාශ කරලා තිබුණා.
මේ සිද්ධිය සම්බන්ධයෙන් විශාල මතභේදයක් ඇතිවෙලා තියෙනවා. නදීම්ගේ ආධාරකරුවන් සහ ගෝජෙක් රියදුරන් අධිකරණය ඉදිරිපිට විරෝධතාවල නිරත වුණේ ඔහු නිදහස් කරන්න කියලා ඉල්ලමින්. බොහෝ දෙනෙක් කියන්නේ මේක දේශපාලන විරුද්ධවාදීන් ඉලක්ක කරගෙන කරන වැඩක් කියලයි. විශේෂයෙන්ම තරුණ පරම්පරාව අතර මේ සිද්ධිය නිසා ලොකු බියක් ඇතිවෙලා තියෙනවා. රජයට සම්බන්ධ වෙලා රට වෙනුවෙන් වැඩ කරන්න යන අයටත් මේ වගේ ඉරණමක් අත්වෙනවා නම්, තවදුරටත් දක්ෂ තරුණයන් රජයේ සේවයට එන්න බය වෙනවා කියලා තමයි විචාරකයින් පෙන්වා දෙන්නේ. නදීම්ගේ බිරිඳ සහ පවුලේ අය මේ මුළු කාලය පුරාම ඔහු වෙනුවෙන් පෙනී සිටි අතර, මේ තීන්දුව බොහෝ දෙනාගේ කම්පනයට හේතු වෙලා තියෙනවා.

Discussion & Feedback