2013 වසරේ ඇමරිකන් අයිඩල් වේදිකාවෙන් ජනප්රිය වුණු හිටපු දේවගැතිවරයෙක් වන කේලබ් ෆ්ලින්, තමන්ගේ බිරිඳ වන ඇෂ්ලි ෆ්ලින්ව ඉතාම අමානුෂික ලෙස ඝාතනය කිරීමේ චෝදනාවට වරදකරු වෙලා තියෙනවා. පසුගිය පෙබරවාරි මාසයේ ඔහියෝ ප්රාන්තයේ පිහිටි ඔවුන්ගේ නිවසේදී ඇෂ්ලිව ඇය නිදාගෙන සිටියදී හිසට වෙඩි තබා ඝාතනය කර තිබුණා. මේ සිද්ධිය සම්බන්ධයෙන් පැවති නඩු විභාගයේදී ෆ්ලින්ට එරෙහිව මිනීමැරුම් චෝදනා ඇතුළු චෝදනා නවයක්ම ඔප්පු වුණා. ඔහු මේ අපරාධය සිදුකරලා පොලිසියට බොරු කතාවක් කිව්වේ නිවසට හොරු ඇතුළු වුණා කියලා පෙන්වන්න උත්සාහ කරමින්. ඒ වෙලාවේ ඔවුන්ගේ කුඩා දියණියන් දෙදෙනාත් ඊළඟ කාමරයේ නිදාගෙන ඉඳලා තියෙනවා.
මේ නඩුවේදී හෙළි වුණු තොරතුරු ඇත්තටම හරිම කම්පනීයයි. ෆ්ලින් තමන්ගේ පල්ලියේම වැඩ කරන තරුණියක් එක්ක අනියම් සම්බන්ධයක් පවත්වාගෙන ගිහින් තියෙනවා. මේ දෙන්නා අතර හුවමාරු වුණු කෙටි පණිවිඩ දහස් ගණනකින් ෆ්ලින් බිරිඳව මරන්න සැලසුම් කරපු හැටි පැහැදිලිවම පේන්න තිබුණා. “ඇයව මරලා හිරේ නොයා ඉන්නේ කොහොමද කියලා මම හිතනවා” කියලා ඔහු ඒ තරුණියට පණිවිඩ යවලා තිබුණා. ඇමරිකන් අයිඩල් තරගයේදී තමන්ගේ බිරිඳට ගොඩක් ආදරෙයි කියලා ලෝකය ඉස්සරහා පෙන්නපු මේ පුද්ගලයා, ඇත්තටම මෙච්චර දරුණු අපරාධකාරයෙක් කියලා කාටවත් හිතාගන්න බැරි වුණා. දැන් ඔහුට ලැබෙන දඬුවම මොකක්ද කියලා මුළු ලෝකයම බලාගෙන ඉන්නවා.

Discussion & Feedback