කොළඹ ඇල්ටෙයාර් සුපිරි නිවාස සංකීර්ණයේදී විදෙස් තානාපති කාර්යාලයක ඉහළ නිලධාරියෙක් විසින් හිටපු ශ්රී ලංකා හමුදා නිලධාරියෙකුට පහරදීමේ සිද්ධියක් සම්බන්ධයෙන් මේ වන විට දැඩි කතාබහක් ඇති වෙලා තියෙනවා. මේ සිද්ධියට අදාළව පොලිසියට පැමිණිල්ලක් ලැබී ඇති අතර, සිද්ධිය සිදුවන අවස්ථාවේ එහි තිබූ සීසීටීවී කැමරා දර්ශනවලින් මේ පහරදීම ඉතා පැහැදිලිව දැකගන්න පුළුවන්. එම දර්ශනවලට අනුව, හිටපු හමුදා නිලධාරියා නිවාස සංකීර්ණයේ ලොබියේ වාඩි වී සිටියදී, විදෙස් තානාපති කාර්යාල නිලධාරියා ඔහු වෙත පැමිණ බහින්බස් වීමක් සිදුවෙනවා. පසුව එම පුද්ගලයා හිටපු හමුදා නිලධාරියාගේ මුහුණට කෙළ ගසා, පසුව ඔහුට ශාරීරිකව පහර දෙන ආකාරය එම වීඩියෝ දර්ශනවල සටහන් වෙලා තියෙනවා.
මේ සිද්ධිය සම්බන්ධයෙන් මේ වන විට සමාජ මාධ්ය ඔස්සේ විශාල විවේචන එල්ල වෙමින් පවතිනවා. විශේෂයෙන්ම, අදාළ විදෙස් නිලධාරියාට රාජ්ය තාන්ත්රික මුක්තිය (Diplomatic Immunity) හිමිවී තිබීම නිසා, නීතිය ක්රියාත්මක කරන ආයතන මේ සම්බන්ධයෙන් කටයුතු කරන්නේ කෙසේද යන්න පිළිබඳව බොහෝ දෙනා ප්රශ්න කරනවා. මෙවැනි සිදුවීමක් රටේ නීතියට සහ ගෞරවයට හානි කරන ක්රියාවක් බවයි බොහෝ දෙනා පවසන්නේ. කෙසේ වෙතත්, පොලිසිය මේ සම්බන්ධයෙන් වැඩිදුර පරීක්ෂණ පවත්වන අතර, නීතිය ඉදිරියේ සැමට සමාන සැලකිල්ලක් ලැබිය යුතු බවයි සිවිල් සමාජය පෙන්වා දෙන්නේ.

Discussion & Feedback