ඇමරිකානු ෆෙඩරල් රජයේ සේවකයන්ට ඔවුන්ගේ නිල දුරකථනවල ටික්ටොක් (TikTok) ඇප් එක නැවතත් බාගත කර භාවිතා කිරීමට අවසර ලැබිලා තියෙනවා. මීට කලින් 2022 වසරේදී ගෙනාපු නීතියක් මගින් රජයේ සේවකයන්ට ඔවුන්ගේ නිල උපාංගවල මෙම ඇප් එක භාවිතා කිරීම තහනම් කරලා තිබුණා. නමුත් දැන් ටික්ටොක් සමාගමේ ඇමරිකානු මෙහෙයුම්වල අයිතිය ඔරකල් (Oracle) ඇතුළු ආයතන කිහිපයකින් සමන්විත හවුල් ව්යාපාරයකට පැවරීමත් එක්ක, මේ තහනම ඉවත් කරන්න රජය තීරණය කරලා තියෙනවා.
අධිකරණ දෙපාර්තමේන්තුව නිකුත් කරපු අලුත්ම නිවේදනයකට අනුව, ජනාධිපති ඩොනල්ඩ් ට්රම්ප් විසින් විධායක ශාඛාවේ සේවකයන්ට තම නිල දුරකථනවල ටික්ටොක් බාගත කරගන්න අවසර ලබා දීලා තියෙනවා. කෙසේ වෙතත්, මේ අවසරය ලැබුණත් ඒ ඒ ආයතනවල තියෙන වැඩබිම් ප්රතිපත්තිවලට අනුකූලව තමයි සේවකයන්ට මේ ඇප් එක පාවිච්චි කරන්න වෙන්නේ. ඒ කියන්නේ, ආයතන ප්රධානීන්ගේ තීරණය මත මේක තවදුරටත් පාලනය වෙන්න පුළුවන්.
මීට කලින් ඇමරිකාව පුරාම ටික්ටොක් තහනම් කරන්න උත්සාහ කළත්, විවිධ හේතු නිසා ඒ තීරණ නිතරම කල් දැමීමට සිද්ධ වුණා. දැන් ඔරකල් සමාගම ආරක්ෂක හවුල්කරුවෙක් විදිහට කටයුතු කරන නිසා, දත්ත ආරක්ෂාව සම්බන්ධ ගැටලු විසඳිලා තියෙනවා කියලා තමයි බලධාරීන් විශ්වාස කරන්නේ. කොහොම වුණත්, ටික්ටොක් සමාගමේ මුල් හිමිකාරීත්වය දරපු බයිට්ඩාන්ස් (ByteDance) ආයතනයට තවමත් 19.9%ක කොටස් ප්රමාණයක් හිමිව තිබීම විශේෂත්වයක්.

Discussion & Feedback