පරිසර හිතකාමී සහ පහසුවෙන් අලුත්වැඩියා කළ හැකි ස්මාර්ට්ෆෝන් නිෂ්පාදනය කරන නෙදර්ලන්තයේ Fairphone සමාගම, ඔවුන්ගේ අලුත්ම Fairphone 6+ මාදිලිය දැන් ඇමරිකානු වෙළඳපොළටත් හඳුන්වා දීලා තියෙනවා. මීට කලින් ඔවුන් ඇමරිකාවේදී විවිධ සීමාවන් සහිතව දුරකථන අලෙවි කළත්, මේ පාර කිසිම වෙනසක් නැතිව කෙලින්ම ඔවුන්ගේ දුරකථනයක් මිලදී ගැනීමේ අවස්ථාව ඇමරිකානු පාරිභෝගිකයන්ට ලැබෙනවා. ඩොලර් 649ක ආරම්භක මිලකට එන මේ දුරකථනය T-Mobile සහ AT&T ජාලයන් සමඟ ඉතා හොඳින් වැඩ කරනවා.
මේ දුරකථනයේ විශේෂත්වය තමයි ඕනෑම කෙනෙකුට ඉතාම සරලව අලුත්වැඩියා කරන්න පුළුවන් වීම. බැටරිය, කැමරාව, USB-C පෝට් එක සහ තිරය ඇතුළු කොටස් 12ක්ම ඉතා පහසුවෙන් ගලවා මාරු කරන්න පුළුවන්. ඒ වගේම අවුරුදු 5ක වගකීමක් සහ 2033 දක්වා මෘදුකාංග යාවත්කාලීන කිරීම් ලබා දෙන නිසා මේ දුරකථනය දිගු කාලයක් පාවිච්චි කරන්න පුළුවන්. Snapdragon 7s Gen 4 ප්රොසෙසරයකින් සහ 12GB RAM එකකින් බලගැන්වෙන මේ දුරකථනය, පරිසරයට හානි නොවන ලෙස නිෂ්පාදනය කර තිබීමත් විශේෂත්වයක්.
කැමරා පද්ධතිය ගැන බැලුවොත්, මෙහි 50MP ප්රධාන කැමරාවක් සහ 13MP අල්ට්රාවයිඩ් කැමරාවක් තියෙනවා. Forest Green, Horizon Black සහ Cobalt Blue කියන වර්ණ තුනකින් මේ දුරකථනය මිලදී ගන්න පුළුවන්. නිතරම අලුත් ෆෝන් ගන්නවා වෙනුවට, එකම ෆෝන් එකක් අවුරුදු ගණනාවක් පාවිච්චි කරන්න කැමති අයට මේක ඇත්තටම හොඳ තේරීමක් වෙයි.

Discussion & Feedback