මීට කලකට පෙර විහිළුවක් ලෙස සැලකුණු ෆියුෂන් බලශක්ති තාක්ෂණය අද වන විට ලෝකයේ බලශක්ති අනාගතය වෙනස් කළ හැකි ප්රබල තාක්ෂණයක් බවට පත්වෙලා. සූර්යයා තුළ සිදුවන න්යෂ්ටික ප්රතික්රියාව පෘථිවිය මත නිර්මාණය කරමින් නිමක් නැති බලශක්තියක් ලබාගැනීම තමයි මේ තාක්ෂණයේ අරමුණ. නවීන පරිගණක චිප්ස්, කෘත්රිම බුද්ධිය සහ අධි-උෂ්ණත්ව සුපිරි සන්නායක චුම්බක භාවිතය නිසා මේ ක්ෂේත්රය විශාල දියුණුවක් ලබා තිබෙනවා. විශේෂයෙන්ම ඇමරිකානු බලශක්ති දෙපාර්තමේන්තුව විසින් සිදුකළ සාර්ථක පර්යේෂණයකින් පසුව, පෞද්ගලික ආයෝජකයින් මේ සඳහා විශාල වශයෙන් මුදල් යෙදවීමට පෙළඹී සිටිනවා.
මේ අතරින් ‘Commonwealth Fusion Systems’ (CFS) සමාගම කැපී පෙනෙනවා. ඔවුන් මේ වන විට ඩොලර් බිලියන 3.94කට අධික ආයෝජන ප්රමාණයක් ලබාගෙන තිබෙනවා. ඔවුන්ගේ ‘Sparc’ නම් බලශක්ති බලාගාරය 2027 වසර වන විට ක්රියාත්මක කිරීමට නියමිතයි. ඒ වගේම ‘Helion’ නම් තවත් සමාගමක් ඉතා වේගයෙන් ඉදිරියට යන අතර, ඔවුන් 2028 වසර වන විට ෆියුෂන් තාක්ෂණයෙන් විදුලිය නිපදවීමට සැලසුම් කර තිබෙනවා. මයික්රොසොෆ්ට් වැනි දැවැන්ත සමාගම් පවා මේ නව තාක්ෂණය මිලදී ගැනීමට ගිවිසුම් අත්සන් කර තිබීමෙන් පෙනී යන්නේ ෆියුෂන් බලශක්තියේ අනාගතය ඉතා දීප්තිමත් බවයි. මේ තාක්ෂණය සාර්ථක වුවහොත් එය ලෝක බලශක්ති වෙළඳපොළ සම්පූර්ණයෙන්ම උඩුයටිකුරු කරනු ඇති බවටයි විශේෂඥයින් පවසන්නේ.

Discussion & Feedback