මේ දවස්වල යුරෝපය පුරාම හරිම දරුණු උණුසුම් කාලගුණයක් පවතිනවා. ලෝක සෞඛ්ය සංවිධානයේ ප්රධානී ටෙඩ්රොස් අද්නාම් මහතා පවසන විදිහට, පසුගිය ජුනි 21 වැනිදා ඉඳන් මේ දක්වා යුරෝපයේ රටවල් කිහිපයකම උෂ්ණත්වය අධික වීම නිසා පුද්ගලයින් 1300කට වඩා වැඩි පිරිසක් ජීවිතක්ෂයට පත්වෙලා තියෙනවා. විශේෂයෙන්ම ජර්මනිය, පෝලන්තය සහ චෙක් ජනරජය වගේ රටවල උෂ්ණත්වය වාර්තාගත මට්ටමකට ඉහළ ගිහින් තියෙනවා. ජර්මනියේ සමහර ප්රදේශවල උෂ්ණත්වය සෙල්සියස් අංශක 41.7ක් දක්වා ඉහළ ගිය අතර, පෝලන්තයේත් අංශක 40.5ක වාර්තාගත උෂ්ණත්වයක් වාර්තා වුණා.
මේ උණුසුම් කාලගුණය ‘නිහඬ මාරයා’ විදිහට හඳුන්වන්න පුළුවන්. මොකද යුරෝපයේ තියෙන ගෙවල්, පාසල් සහ කාර්යාල මේ වගේ අධික උෂ්ණත්වයකට ඔරොත්තු දෙන විදිහට හදලා නැති එක ලොකු ප්රශ්නයක් වෙලා. ප්රංශයේ විතරක් පසුගිය දින කිහිපය තුළ සාමාන්යයට වඩා මරණ 1000ක් විතර වාර්තා වෙලා තියෙනවා, ඒ අතරින් වැඩි පිරිසක් වයස අවුරුදු 65ට වැඩි අයයි. ලෝක සෞඛ්ය සංවිධානය අනතුරු අඟවන්නේ ලෝකයේ අනිත් ප්රදේශවලට වඩා දෙගුණයක වේගයකින් යුරෝපය උණුසුම් වෙමින් පවතින බවයි. දේශගුණික විපර්යාස නිසා ඇතිවෙන මේ වගේ දරුණු උණුසුම් කාලගුණික තත්ත්වයන් දැන් නිතරම වාගේ සිදුවෙන නිසා, මේ තත්ත්වයට මුහුණ දෙන්න විශේෂ සෞඛ්ය සැලසුම් ක්රියාත්මක කරන්න කියලා ඔවුන් සියලුම රටවලින් ඉල්ලා සිටිනවා.

Discussion & Feedback