78 වැනි එමී සම්මාන උළෙල පසුගියදා ඉතා උත්කර්ෂවත් ලෙස පැවැත්වුණා. සම්මාන වේදිකාවේ සිදුවීම් බොහෝ දෙනෙක් දැක්කත්, කැමරා කාචවලට හසු නොවූ රසබර සිදුවීම් රැසක්ම මෙවර උළෙලේදී වාර්තා වුණා. විශේෂයෙන්ම මැතිව් රයිස් මෙවර ඉතිහාසගත වුණේ ප්‍රධාන කාණ්ඩ තුනෙන්ම සම්මාන දිනාගත් පළමු නළුවා ලෙසයි. ඒ වගේම ජීන් ස්මාර්ට් සිය අටවැනි එමී සම්මානය දිනාගනිමින් ඉතිහාසයට එක්වුණා. මේ අතර ප්‍රේක්ෂකාගාරයේ සිටි තරු අතර තිබූ සුහද හමුවීම් බොහෝ දෙනාගේ අවධානය දිනාගත්තා.
ටොම් හොලන්ඩ් සහ සෙන්ඩයා උත්සවයට පැමිණ සිටි අතර, සෙන්ඩයාට සම්මානය අහිමි වූ මොහොතේ මාර්ක් රෆලෝ ඔවුන් වෙත පැමිණ සුහදව වැළඳගන්නා අයුරු දැකගන්න ලැබුණා. ඒ වගේම ටොම් හොලන්ඩ් සහ චාලි හනම් අතර පැවති සුහද කතාබහත් කැමරා කාචවලට හසු වුණා. උත්සවය අතරතුර කෙටි විවේකවලදී තරු එකිනෙකා සමඟ සිනාසෙමින්, ඡායාරූප ගනිමින් ඉතාමත් සැහැල්ලුවෙන් කාලය ගත කළා. විශේෂයෙන්ම නිකොල් කිඩ්මන් උත්සවයේ ඉදිරිපෙළ අසුන් ගෙන සිටි අතර, රියා සීහෝන් සිය පළමු එමී සම්මානය දිනාගැනීමෙන් පසු මාධ්‍ය හමුවේ පෙනී සිටින විට වින්ස් ගිලිගන් බර්ගර් එකක් රසවිඳිමින් එය නරඹමින් සිටියා.
උත්සවයේ ආහාර පාන අංශයේ තිබූ කෑම වර්ග ඉතා ඉක්මනින් අවසන් වී තිබූ අතර, අවසානයේ ඉතිරිව තිබුණේ ඩොරිගෝස් පැකට් කිහිපයක් සහ එම් ඇන්ඩ් එම් චොකලට් පෙට්ටියක් පමණයි. කෙසේ වෙතත්, තිරය පිටුපස සිදුවූ මේ සියලුම සිදුවීම් එමී සම්මාන උළෙල තවත් වර්ණවත් කිරීමට හේතු වුණා. ලෝක ප්‍රසිද්ධ තරු මෙතරම් සරලව සහ සුහදව එකිනෙකා සමඟ කටයුතු කිරීම රසිකයන්ටත් ලොකු සතුටක් වුණා.
Discussion & Feedback