ලොව පුරා රසිකයන් අතර ජනප්රිය ‘Elsbeth’ රූපවාහිනී කතා මාලාවේ සිව්වන සමය ඔක්තෝම්බර් 8 වැනිදා සිට විකාශය ආරම්භ කිරීමට සියල්ල සූදානම්. මෙවර කතා මාලාව වඩාත් රසවත් කරමින් හොලිවුඩයේ ජනප්රිය තරු රැසක් අමුත්තන් ලෙස එක්වීමට නියමිතයි. ඒ අතරට නිකොල් ෂර්සින්ගර්, නිකලස් බ්රෝන්, ජෙමිමා කර්ක් සහ නිව්යෝර්ක් නික්ස් කණ්ඩායමේ සුපිරි ක්රීඩක ඕ.ජී. අනූනොබි ඇතුළත් වෙනවා. කැරී ප්රෙස්ටන් නැවතත් එල්ස්බෙත් ටැසියෝනි ලෙස රංගනයෙන් දායක වන අතර, ඇයගේ අද්විතීය විමර්ශන හැකියාවන් හරහා නිව්යෝර්ක් නුවර සිදුවන අභිරහස් අපරාධ විසඳන ආකාරය මෙවරත් අපට දැකගන්න පුළුවන්.
කතා මාලාවේ පළමු කොටස සඳහා නිකොල් ෂර්සින්ගර් සම්බන්ධ වන අතර, ඇය මෙහිදී සෙරීනා කොලියර් නම් විවාහ උපදේශකවරියකගේ චරිතයට පණ පොවනවා. ඇයගේ චරිතය පිටතින් සාමකාමී ලෙස පෙනුනත්, ඇය වටා ගෙතෙන අභිරහස් මිනීමැරුම් සිදුවීමක් වටා කතාව ගලා යනවා. මීට අමතරව, නිකලස් බ්රෝන් සහ ජෙමිමා කර්ක් වැනි ප්රවීණ රංගන ශිල්පීන්ගේ දායකත්වයත්, ඕ.ජී. අනූනොබිගේ විශේෂ රංගනයත් නිසා මෙවර සමය ඉතාමත් උද්යෝගිමත් එකක් වනු නොඅනුමානයි. පවුලේ ගැටලු සහ පොලිස් ස්ථානයේ පවතින නව පීඩනයන් මධ්යයේ එල්ස්බෙත් තම රාජකාරිය ඉටු කරන ආකාරය බලා සිටීමට රසිකයන්ට දැන් අවස්ථාව ලැබෙනවා.
Discussion & Feedback