දශක ගණනාවක් තිස්සේ පවතින ගැටුම් සහ අසල්වැසි රුවන්ඩාවේ මැදිහත්වීම් හේතුවෙන් දැඩි පීඩාවට පත්ව සිටින කොංගෝ ප්රජාතන්ත්රවාදී ජනරජය, මේ වන විට රුවන්ඩාවට එරෙහිව ජාත්යන්තර අධිකරණයේ නඩු පවරා තිබෙනවා. කොංගෝ රජය පවසන්නේ 1994 රුවන්ඩා ජන සංහාරයෙන් පසු රුවන්ඩාව තම රටේ භූමියට අනවසරයෙන් ඇතුළු වී සන්නද්ධ කණ්ඩායම්වලට සහය ලබා දෙමින් බරපතල මානව හිමිකම් උල්ලංඝනය කිරීම් සිදු කර ඇති බවයි. විශේෂයෙන්ම එම්23 (M23) කැරලිකාර කණ්ඩායමට රුවන්ඩාවේ සහය ලැබෙන බවට එක්සත් ජාතීන්ගේ විශේෂඥයන් සහ බටහිර රටවල් පවා චෝදනා කරනවා. මෙම නඩුව හරහා කොංගෝ රජය බලාපොරොත්තු වන්නේ රුවන්ඩාවේ මෙම ක්රියාකලාපය වහාම නතර කරවා ගනිමින් වින්දිතයන්ට සාධාරණ වන්දි ලබා ගැනීමටයි.
මෙම ගැටුමේ මුල් බැසගත් ඉතිහාසය 1994 රුවන්ඩා ජන සංහාරය දක්වා දිව යනවා. එදා සිට අද දක්වාම දෙරට අතර පවතින අසමගිය නිසා කොංගෝවේ නැගෙනහිර ප්රදේශය යුද පිටියක් බවට පත්වෙලා. මීට පෙර අවස්ථා දෙකකදීත් කොංගෝව රුවන්ඩාවට එරෙහිව ජාත්යන්තර අධිකරණයට ගියත්, විවිධ නීතිමය බාධක නිසා ඒවා අසාර්ථක වුණා. නමුත් මේ වන විට එම්23 කැරලිකරුවන් කොංගෝවේ ඛනිජ සම්පත් බහුල ප්රදේශ විශාල ප්රමාණයක් අත්පත් කරගෙන සිටින නිසා තත්ත්වය ඉතා බරපතලයි. සාම ගිවිසුම් අත්සන් කළත්, තවමත් ප්රදේශයේ සාමය උදා වී නැති අතර, ජාත්යන්තර අධිකරණයේ මෙම මැදිහත්වීම ගැටුම විසඳීමට ලැබෙන අවසන් බලාපොරොත්තුවක් ලෙසයි බොහෝ දෙනා දකින්නේ.

Discussion & Feedback