මේ දවස්වල ක්රොඒෂියාවේ වෙරළබඩ ප්රදේශවල හටගෙන තියෙන දරුණු ලැව්ගින්නක් නිසා මුළු රටම වගේ ලොකු කම්පනයකට පත් වෙලා ඉන්නවා. බ්රහස්පතින්දා රාත්රියේ ලොක්වා රෝගොස්නිකා ගම්මානය ආසන්නයෙන් පටන් ගත්ත මේ ගින්න, හමා ආ තද සුළං නිසා පැය හතරක් වගේ කෙටි කාලයක් ඇතුළත හෙක්ටයාර දහසක් පුරා පැතිරිලා ගියා. මේ ගින්නෙන් අවම වශයෙන් එක් අයෙක් ජීවිතක්ෂයට පත් වෙලා තියෙනවා වගේම, තවත් 40 දෙනෙක් විතර තුවාල ලබා රෝහල්ගත කරලා තියෙනවා. ඒ අතරින් දස දෙනෙක්ම ඉන්නේ දැඩි සත්කාර ඒකකවල. මේක ක්රොඒෂියාවේ ඉතිහාසයේ වාර්තා වුණු දරුණුතම ලැව්ගිනිවලින් එකක් විදිහට තමයි බලධාරීන් හඳුන්වන්නේ.
ගින්න වේගයෙන් පැතිරෙනකොටම සංචාරකයන් සහ ප්රදේශවාසීන් 1,200ක් විතර ආරක්ෂිත ස්ථානවලට යොමු කරන්න බලධාරීන් පියවර ගත්තා. සමහර අය ගින්නෙන් බේරෙන්න මුහුදට පැනලා ජීවිත බේරගන්න උත්සාහ කළා කියලා තමයි වාර්තා වෙන්නේ. ගින්න නිසා නිවාස සහ වාහන විශාල ප්රමාණයක් විනාශ වෙලා තියෙනවා. ගිනි නිවන භටයන් 300කට වැඩි පිරිසක් මේ ගින්න නිවන්න සටන් කළත්, තද සුළං සහ අධික උෂ්ණත්වය නිසා ඒක හරිම අමාරු වැඩක් වුණා. මේ දවස්වල යුරෝපයේ බොහෝ රටවල මේ වගේ දරුණු ලැව්ගිනි හටගන්නවා. ක්රොඒෂියාවේ අගමැතිවරයා ප්රදේශයේ සංචාරය කරලා කිව්වේ, ගිනි නිවන භටයන්ගේ කැපවීම නිසා තමයි තවත් විශාල විනාශයක් නොවී බේරුණේ කියලා. ඇත්තටම මේක හරිම කනගාටුදායක තත්ත්වයක්.

Discussion & Feedback